Elimizdegi 5 jylý elektr ortalyǵy qashan «qyzyl» aımaqtan shyǵady
ASTANA. KAZINFORM — Elimizdegi 5 jylý elektr ortalyǵy bıyl «qyzyl» aımaqtan shyǵarylady. Bul týraly Energetıka vıtse-mınıstri Suńǵat Esimhanov aıtty.
— Qazirgi tańda bizde Jylý elektr ortalyǵynyń beseýi «qyzyl» aımaqta qalyp otyr. Bul boıynsha qandaı jumys istelinip jatyr? — dep suraǵan edi Úkimet otyrysynda Premer-mınıstr Oljas Bektenov vıtse-mınıstrden.
Saýalǵa jaýap bergen vıtse-mınıstr shynymen de 5 ortalyqtyń «qyzyl» aımaqta turǵanyn rastady.
— Bizde ár jylý ortalyǵy boıynsha tıisti jospar bar. Ákimdiktermen osy jospardy bekittik. Qadaǵalaý komıteti atalǵan ortalyqtardaǵy jóndeý jumystarynyń keste boıynsha júrgizilýin tekserýde. Bes ortalyqty qarjylandyrý 40 paıyzǵa artty. Qatań baqylaýda, — dedi ol.
Osy oraıda Premer-mınıstr ortalyqtardyń qashan «qyzyl» aımaqtan shyǵatynyn naqtylap surady.
— «Qyzyl» aımaqtan osy jyldyń sońyna deıin shyǵarýdy josparlap otyrmyz. Biraq, qazir kórsetkishti 4 ólshemshartpen júrgizip jatyrmyz. Bolashaqta bul kórsetkishterdi qaıta qarap, 9-ǵa deıin kóterý arqyly jańa reıtıng jasaýdy josparlap otyrmyz, — dedi Suńǵat Esimhanov.
Aıta keteıik, otyrysta ótken jylytý maýsymy qorytyndylanyp, aldaǵy maýsymǵa daıyndyq barysy pysyqtalyp jatyr.
