Elimizdegi 40 myń shaqyrym jol mobıldi baılanyspen qamtylmaq
ASTANA. KAZINFORM — Qazaqstandaǵy 40 myń shaqyrymnan astam avtomobıl jolyn mobıldi baılanyspen qamtý josparlanyp otyr, dep habarlaıdy JI jáne tsıfrlyq damý mınıstrliginiń baspasóz qyzmeti.
QR Premer-mınıstriniń orynbasary – Jasandy ıntellekt jáne tsıfrlyq damý mınıstri Jaslan Mádıev respýblıkalyq jáne oblystyq mańyzy bar avtomobıl joldaryn baılanyspen qamtý jáne telekommýnıkatsııalyq ınfraqurylym qurylysy jobasyn iske asyrý máseleleri boıynsha keńes ótkizdi.
Keńeske «Transtelekom» AQ kompanııasy, sondaı-aq mobıldi baılanys operatorlary qatysty.
Kezdesý barysynda jobanyń iske asyrylýynyń aǵymdaǵy mártebesi, sondaı-aq ınvestor men baılanys operatorlary arasynda telekommýnıkatsııalyq ınfraqurylymdy birlesip paıdalaný boıynsha ózara is-qımyl máseleleri qaraldy.
Avtomobıl joldaryn mobıldi baılanyspen ornyqty qamtamasyz etý boıynsha jumystardy úılestirýge jáne qurylatyn ınfraqurylymdy tıimdi paıdalanýǵa bólek nazar aýdaryldy.
Keńes qorytyndysy boıynsha jobany iske asyrýdyń jáne «Transtelekom» AQ men uıaly baılanys operatorlary arasyndaǵy ózara is-qımyldyń odan arǵy qadamdary aıqyndaldy.
Aıta keteıik, joba 40 myń shaqyrymnan astam respýblıkalyq jáne oblystyq avtomobıl joldaryn mobıldi baılanyspen qamtamasyz etýdi jáne 500-den astam antenna-machtalyq qurylystar men bazalyq stantsııalar salýdy kózdeıdi. Іske asyrý kezeń-kezeńimen qarastyrylǵan: respýblıkalyq joldardy qamtýdy 2026 jyldyń sońyna deıin, oblystyq joldardy 2027 jyldyń sońyna deıin aıaqtaý josparlanǵan. Qarjylandyrý bıýdjet qarajatyn tartpaı, ınvestor «Transtelekom» AQ esebinen júzege asyrylady.
Buǵan deıin Alataý men Qonaevta uıaly baılanyssyz qalǵan aýmaqtar anyqtalǵanyn jazǵanbyz.
