Elimizdegi 11 sý qoımasy 100 paıyz tolyp tur

ASTANA. KAZINFORM – Elimizdegi 11 sý qoımasy 100 paıyz tolyp tur. Bul týraly Sý resýrstary jáne ırrıgatsııa mınıstrliginen málim etti.

«Elimizdegi barlyq sý qoımasy qazirgi kezde mınıstrliktiń jiti nazarynda tur. Sý tasý kezeńi qarqyndy júrip jatqan ózender boıyndaǵy sý qoımalaryna qatysty aqparatty kúndelikti alyp otyrmyz. Búgin tańǵy 8-00-degi aqparatqa sáıkes, 11 sý qoımasy (Qoıandy, Aqeshki, Kaztalov ІІ, Shaǵan, Aşysý, Jartas, Jezdi, Samarqand, Jelqýar, Sergeev, Amangeldi) 100 paıyzǵa tolyp tur», - dep atap ótti mınıstrlikten agenttik tilshisiniń saýalyna oraı.

Vedomstvo málimetinshe, atalǵan sý qoımalary tranzıttik rejımde jumys istep tur. ıAǵnı qoımaǵa qansha sý kelse, sonsha mólsherdegi sý qoımanyń tómengi bóligine aǵyzylyp jatyr. Qoımaǵa kelip túsetin sý mólsheri azaıǵan jaǵdaıda aǵyzylatyn sýdyń mólsheri de azaıtylady.

«Sondaı-aq, qoımalardan tómen ornalasqan obektiler mınıstrliktiń baqylaýynda jáne qoımalardan aǵyzylatyn sý mólsherin Sý sharýashylyǵy komıteti retteıdi. Sý resýrstaryn osylaı retteý qoımany jáne odan tómen ornalasqan eldi mekenderdi sý basý qaýpinen saqtaýǵa múmkindik beredi», - dep naqtylaıdy Sý mınıstrligi.