Elimizde zorlyq-zombylyqtan zardap shekken balalarǵa kómek baǵdarlamasy engizilip jatyr

ASTANA. KAZINFORM — Oqý-aǵartý mınıstrligi árbir balanyń qaýipsizdigin qamtamasyz etý maqsatynda zorlyq-zombylyqtan zardap shekken balalarǵa kómek kórsetý baǵdarlamasyn ázirledi. 

Maqsat – zorlyq-zombylyqqa, qatygezdikke, býllıngke ushyraǵan, sondaı-aq qylmysqa kýá bolǵan balalarǵa keshendi kómek kórsetý. Baǵdarlama balalardyń emotsııalyq, kognıtıvtik jáne minez-qulqyndaǵy saldardy eńserýge baǵyttalǵan. 

Bastama balalarǵa kómek kórsetý algorıtmin jáne kámeletke tolmaǵandardyń qajettilikterin baǵalaý negizinde medıtsınalyq, psıhologııalyq, pedagogıkalyq, áleýmettik jáne quqyqtyq kómek kórsetý túrleriniń keshenin qamtıdy. Sondaı-aq baǵdarlama sheńberinde balalar men olardyń ata-analaryna psıhologııalyq kómek kórsetý boıynsha biryńǵaı ádistemelik usynymdar ázirlendi.

«Árbir bala zorlyq-zombylyqtan qorǵalýy tıis. Osy bastamanyń qabyldanýy memleket pen qoǵamnyń bala quqyǵyn qorǵaý jáne árbir balanyń qaýipsiz balalyq shaǵyn qamtamasyz etýdegi mindettemesiniń kórinisi. Bul baǵdarlama balalarǵa zardap saldarymen kúresý jáne psıhologııalyq turǵyda qoldaý júıesin qurýdaǵy mańyzdy qadam bolyp tabylady», - dep atap ótti QR Oqý-aǵartý mınıstrligi Balalardyń quqyqtaryn qorǵaý komıteti tóraǵasynyń orynbasary ıÝlııa Ovechkına.

Aıta keteıik, kómek kórsetý oblystyq deńgeıde psıhologııalyq qoldaý ortalyqtarynyń, aýdandyq deńgeıde bilim bólimderiniń bazasynda iske asyrylady.