Elimizde zııandy tútin shyǵaratyn kólikter kamera arqyly anyqtalmaq

ASTANA. KAZINFORM – Elimizde zııandy tútin shyǵaratyn kólikterdi kamera arqyly anyqtaıtyn pılottyq joba engizilmekshi. Bul týraly QR ІІM Ákimshilik polıtsııa komıtetiniń basqarma bastyǵy, polıtsııa polkovnıgi Murat Imanbaev aıtty.

«Almaty qalasynda pılottyq joba aıasynda kólikterden zııandy tútinniń shyǵýyn anyqtaıtyn kameralar synaqtan ótip jatyr», - dep qysqa qaıyrdy Murat Imanbaev jýrnalıstiń suraǵyna jaýap bere kele OKQ alańynda. 

Ákimshilik polıtsııa komıtetiniń tóraǵasy Qaısar Sultanbaev ázirge bul joba týraly aıtý erterek ekenin, osy pılottyq joba ótkennen keıin belgili bolatyn nátıjelerge qaraı sheshim qabyldanatynyn atap ótti. 

«Ekologııalyq ahýalǵa baılanysty bul máseleni de qarastyrý jón (kólikterden shyǵatyn zııandy tútindi kamera arqyly anyqtaý – red.) dep esepteımiz», - dedi komıtet basshysy. 

Sondaı-aq Qaısar Sultanbaev bul bastama pılottyq joba retinde endi qosylatynyn, ázirge tek synaqtan ótkizilip jatqanyn atap ótti. Al joba naqty qaı kezde iske qosylatynyn aıtpady. 

Aıta keteıik, elimizde «Jasyryn patrýl» júıesi engizilip jatyr. 

Sondaı-aq, budan bylaı adam tasymalymen tek jeke tasymaldaýshy retinde tirkelgen tulǵalar ǵana aınalysa alatyn bolady. 

Odan bólek, arnaıy taný belgisin taqpaǵan elektromobıl júrgizýshilerine qansha somada aıyppul salynatynyn jazǵan edik.