Elimizde júrgizilip jatqan reformalar saıası básekelestikti kúsheıte tústi – Erlan Qoshanov

ASTANA. KAZINFORM – Alǵys aıtý kúni jáne Partııa kúni qarsańynda «AMANAT» partııasynda úzdik bastaýysh partııa uıymy men úzdik qoǵamdyq qabyldaý bólmesi baıqaýy qorytyndylandy. Іs-sharaǵa beınekonferentsbaılanys arqyly elimizdiń barlyq aımaǵyndaǵy 3700 bastaýysh partııa uıymy men 225 qoǵamdyq qabyldaý bólmesiniń ókilderi qatysty.

Елімізде жүргізіліп жатқан реформалар саяси бәсекелестікті күшейте түсті – Ерлан Қошанов
Фото: «AMANAT» партиясының баспасөз қызметі

Májilis Spıkeri, «AMANAT» partııasynyń Tóraǵasy Erlan Qoshanov bastaýysh partııa uıymdary partııanyń negizgi tiregi ekenin atap ótti. Olar partııanyń qoǵamdaǵy bedelin qalyptastyrady. Halyq suranysyna alǵashqylardyń biri bolyp ún qatyp, áleýmettik máselelerdi sheshýge kómektesedi, partııalyq jobalarǵa belsendi qatysyp, memlekettik bastamalardy túsindirý jumysyn júrgizedi. Al partııanyń qoǵamdyq qabyldaý bólmelerine kelip túsetin ótinishter sany jyl sanap artyp keledi. Bul azamattardyń «AMANAT» partııasyna degen joǵary seniminiń jarqyn kórinisi.

Elimizde júrgizilip jatqan reformalar saıası básekelestikti kúsheıte tústi – Erlan Qoshanov
Foto: «AMANAT» partııasynyń baspasóz qyzmeti

– Bizdiń partııa Memleket basshysynyń strategııalyq baǵytyn belsendi júzege asyryp, naqty ister arqyly Prezıdenttiń naǵyz qoǵamdyq tiregi ekenin kún saıyn dáleldep keledi. Elimizde júrgizilip jatqan reformalar partııalyq júıeniń damýyna serpin berip, saıası básekelestikti kúsheıte tústi. Jańa jaǵdaıda «AMANAT» partııasy barlyq bılik deńgeıinde óz kóshbasshylyǵyn sátti saqtap keledi. Buǵan bastaýysh partııa uıymdary orasan úles qosyp otyr. Bizdiń belsendilerimiz elimizdiń barlyq aýmaǵynda ortaq maqsat pen ıgi is jolynda kúndiz-túni jumys istep keledi. Olar – partııanyń negizgi qozǵaýshy kúshi ári aldaǵy jeńisteriniń kepili, – dedi ol.

Elimizde júrgizilip jatqan reformalar saıası básekelestikti kúsheıte tústi – Erlan Qoshanov
Foto: «AMANAT» partııasynyń baspasóz qyzmeti

Sondaı-aq Erlan Qoshanov qazaqstandyqtardyń naqty máselelerin sheshýge baǵyttalǵan partııalyq jobalardyń joǵary suranysqa ıe ekenin atap ótti. Prezıdent «Aýyl amanaty» jáne «Qaryzsyz qoǵam» jobalaryn joǵary baǵalady. Qoǵam tarapynan úlken qoldaý tapty. Bul jobalar aýyldaǵy kásipkerlikti damytýǵa jáne azamattardyń qarjylyq saýatyn arttyrýǵa kómektesedi. «Jer amanaty» jobasy paıdalanylmaı jatqan 12 mln gektar jerdi memleket menshigine qaıtarýǵa múmkindik berdi. Al partııanyń jańa «Tsıfrlyq qoǵam» jobasy azamattardyń tsıfrlyq saýatyn arttyrýǵa jáne olardy ınternet-alaıaqtardan qorǵaýǵa baǵyttalǵan.

Sonymen qatar, partııanyń «Halyqpen birge!» saılaýaldy baǵdarlamasy júıeli júzege asyrylyp, halyqtyń turmysyn jaqsartýda. Bul – «AMANAT» partııasy men Úkimet atqaryp jatqan jumystyń negizgi basymdyqtarynyń biri. Saılaýaldy ýádelerdi oryndaý aıasynda 400 myńnan astam jas azamat jumysqa ornalastyryldy, joǵary oqý oryndaryndaǵy stýdentterdiń shákirtaqysy 80%-ǵa ulǵaıtyldy, 270 medıtsınalyq mekeme, 375 myń oqýshyǵa arnalǵan 254 mektep salyndy. Aýylǵa jumys isteýge barǵan medıtsına qyzmetkerlerine 10 mln teńgege deıin kóterme aqy tólenip, zııandy eńbek jaǵdaıynda jumys isteıtin mamandarǵa arnaıy tólemder qarastyryldy.

Elimizde júrgizilip jatqan reformalar saıası básekelestikti kúsheıte tústi – Erlan Qoshanov
Foto: «AMANAT» partııasynyń baspasóz qyzmeti

Sondaı-aq, partııa Tóraǵasy Memleket basshysynyń «Taza Qazaqstan» bastamasyn iske asyrý, eńbek adamdaryna qoldaý kórsetý jáne Jumysshy mamandyqtary jyly sheńberinde jumysshy kadrlardy daıarlaý, sondaı-aq aldaǵy Uly Jeńistiń 80 jyldyǵyn merekeleý boıynsha BPU-nyń belsendi jumys isteýiniń mańyzyna toqtaldy.

Erlan Qoshanov partııa árqashan halyqtyń janynan tabylýy kerek ekenin atap ótti. Ol qoǵamdyq qabyldaý bólmeleriniń jumysyn kúsheıtýge shaqyryp, iri kásiporyndar men óndiris oryndarynda kóshpeli formatta azamattardy qabyldaýdy usyndy. Mundaı tásil turǵyndardy tolǵandyrǵan máselelerdi jedel, tikeleı sol jerde sheshýge jáne halyqpen barynsha tıimdi ózara qarym-qatynas ornatýǵa múmkindik beredi.

Kezdesýde BPU-nyń oń tájirıbeleri atap ótildi. Batys Qazaqstan oblysyndaǵy «Aqsaıgazservıs» bastaýysh partııa uıymy sý tasqynynan zardap shekken azamattarǵa arnap óz qarajaty esebinen 42 turǵyn úı saldy. Atyraý oblysyndaǵy belsendiler uzyndyǵy 21 shaqyrymdy quraıtyn bóget turǵyzyp, óńirdi sý basýdan saqtap qaldy. Mundaı mysaldar BPU-nyń joǵarydan nusqaý berýdi kútpesten, qıyn jaǵdaıda adamdarǵa árdaıym kómekke kelýge daıyn naqty kúsh ekenin dáleldeıdi.

Elimizde júrgizilip jatqan reformalar saıası básekelestikti kúsheıte tústi – Erlan Qoshanov
Foto: «AMANAT» partııasynyń baspasóz qyzmeti

Budan soń, baıqaý qorytyndysy jarııalandy. Qazylar alqasynyń sheshimimen Almaty oblysyndaǵy «Fırma «Bent» BPU, Astanadaǵy «Balalardy ońaltýdyń ulttyq ortalyǵy» KEAQ BPU jáne Shymkenttegi «Bilim jáne ǵylym» BPU úzdik bastaýysh partııa uıymy retinde tanyldy. Al qoǵamdyq qabyldaý bólmeleri arasynda partııanyń Túrkistan oblystyq fılıalynyń qoǵamdyq qabyldaý bólmesi men partııanyń Almaty qalasy Alataý aýdandyq fılıalynyń qoǵamdyq qabyldaý bólmesi jeńiske jetti. Sondaı-aq, halyqqa zańgerlik kómek kórsetýge baǵyttalǵan «Quqyqtyq kómek» jobasyn júzege asyrýda erekshe jetistikke jetken partııanyń Soltústik Qazaqstan oblystyq fılıaly men partııanyń Atyraý oblysy Qurmanǵazy aýdandyq fılıalynyń qoǵamdyq qabyldaý bólmeleri úzdik dep tanyldy.

Sonymen qatar, «AMANAT» partııasynyń Tóraǵasy túrli salada eńbek etip júrgen elimizdiń 16 belsendi azamatyna partııa bıletin tabystady. Olardyń qatarynda Qazaqstannyń eńbek sińirgen qaıratkeri, jazýshy-dramatýrg, Memlekettik syılyqtyń laýreaty Roza Muqanova, Dúnıejúzi qazaqtary qaýymdastyǵy tóraǵasynyń orynbasary Ádilbek Alpysbaı, Qazaqstan taekvondo federatsııasynyń vıtse-prezıdenti Qaırat Dúısenov, «Astana Opera» teatrynyń solısi Nazym Saǵyntaı, «Altyn dombyra» aıtysynyń jeńimpazy, aıtysker aqyn Meıirbek Sultanhan, ınjener-energetık Azamat Tabarov, metallýrg Ivan Belkov jáne basqa da azamattar bar.

Eske sala keteıik, buǵan deıin Erlan Qoshanov Sátbaevtaǵy ekologııalyq máselelerdiń basty sebebin ataǵanyn jazǵan bolatynbyz.

 

Сейчас читают