Elimizde jumyssyz ári oqymaıtyn sanatqa jatatyn jastardyń úlesi azaıdy

ASTANA. KAZINFORM – 15-34 jas aralyǵyndaǵy NEET sanatyna jatatyn jastardyń úlesi (jumys istemeıtin jáne oqymaıtyn jastardyń jalpy jastar sanyna % úlesi) 2024 jyldyń III toqsanynda 6,4% (345,5 myń adam) qurady. Ótken jyldyń dál osy toqsanynda bul kórsetkish 7,1% (381,7 myń adam) bolǵan. Bul týraly Ulttyq statıstıka bıýrosy málimdedi. 

NEET kategorııasyndaǵy jastardyń eń kóp sany Almaty qalasynda (42,5 myń adam), Túrkistan oblysynda (34,6 myń adam) jáne Astana qalasynda (26,4 myń adam) tirkeldi. Bul kategorııadaǵy jastardyń eń az sany Ulytaý oblysynda (5,4 myń adam) baıqaldy.

Qazaqstan Respýblıkasynyń «Memlekettik jastar saıasaty týraly» Zańyna sáıkes 2023 jyldyń 1 qańtarynan bastap jastardyń jasy 35 jasqa deıin ulǵaıdy.

Eske sala keteıik, buǵan deıin jastar arasyndaǵy jumyssyzdyq máselesi qalaı sheshilip jatqanyn jazǵan bolatynbyz.