Elimizde jumyspen qamtý sharalaryna tartylǵan AÁK alýshylar sany 5 jylda 2 eseden astam azaıdy
ASTANA. KAZINFORM – Qazaqstanda jumyspen qamtýdyń belsendi sharalaryna tartylǵan ataýly áleýmettik kómek alýshylar sany 2021-2025 jyldar aralyǵynda eki eseden astam azaıdy. Bul týraly Eńbek jáne halyqty áleýmettik qorǵaý mınıstrligi Kazinform agenttiginiń resmı saýalyna bergen jaýabynda málimdedi.
Mınıstrlik derekterine sáıkes, 2021 jyly jumyspen qamtýdyń belsendi sharalaryna 27,5 myń adam tartylǵan. 2022 jyly olardyń sany 31,7 myń adamǵa jetken.
— 2023 jyly bul kórsetkish 27,2 myń adamdy qurasa, 2024 jyly 17,6 myń adamǵa deıin tómendedi. Al 2025 jyly jumyspen qamtý sharalaryna 12,6 myń adam qatysty, — delingen jaýapta.
Vedomstvonyń málimetinshe, bul baǵytta eńbekke qabiletti áleýmettik kómek alýshylardy jumysqa ornalastyrý, kásiptik oqytý jáne kásipkerlik bastamalaryn qoldaý sharalary júzege asyrylǵan.
Atalǵan sharalar áleýmettik kómek alatyn otbasylardyń tabysyn arttyrýǵa baǵyttalǵan.
Aıta keteıik, Al 2026 jylǵy 1 qazandaǵy jaǵdaı boıynsha 41 252 otbasyndaǵy 222 312 adamǵa ataýly áleýmettik kómek taǵaıyndaldy.
