Elimizde jumys oryndaryn sýbsıdııalaý jáne jumys berýshilerge kvota bólý tártibi jańartyldy
ASTANA.KAZINFORM - Eńbek jáne halyqty áleýmettik qorǵaý mınıstrligi sýbsıdııalanatyn jumys oryndaryn uıymdastyrý tártibin jańartqanyn habarlady. Endi qyzmetker qabyldaıtyn uıymdar sýbsıdııalanatyn jumys oryndaryn ashý úshin burynǵyǵa qaraǵanda ıkemdirek talaptarmen qatysa alady. Sonymen qatar bul baǵyttaǵy barlyq negizgi rásim elektrondy formatqa kóshirilip, jumys berýshilerge qoıylatyn talaptar naqty ári túsinikti etildi.
Kimder qatysa alady?
Sýbsıdııalanatyn jumys oryndaryn mansap ortalyqtary jumys berýshilerdiń ótinishi negizinde uıymdastyrady. Mundaı jumys oryndaryn ashýǵa kommertsııalyq zańdy tulǵalar, jeke kásipkerler, sharýa jáne fermer qojalyqtary, áleýmettik kásipkerler, memlekettik mekemeler, olardyń vedomstvolary men baǵynysty uıymdary ótinish bere alady. Sondaı-aq daýys beretin aktsııalarynyń nemese jarǵylyq kapıtalyndaǵy qatysý úlesteriniń 50 jáne odan da kóp paıyzy tikeleı nemese janama túrde memleketke tıesili zańdy tulǵalar da qatysa alady. Úkimettik emes uıymdar, olardyń fılıaldary men ókildikteri de bul tizimde bar.
Bul rette jumys berýshilerdiń ár sanatyna qoıylatyn talaptar men jumys oryndarynyń sany ártúrli. ıAǵnı barlyq jumys berýshige birdeı talap qoldanylmaıdy, olardyń qyzmet túri men mártebesine qaraı jeke tártip belgilengen.
Sonymen birge jumys berýshiniń uıymdyq-quqyqtyq nysanyna qaramastan, barlyǵyna ortaq birqatar talap bar. Olar keminde 12 aıdan beri jumys istep kele jatqan bolýy kerek. Sondaı-aq ol bankrottyq rásiminde bolmaýy, ekstremızmge qarsy is-qımyl salasyndaǵy zań talaptaryn saqtaýy jáne buǵan deıin jumyspen qamtýǵa járdemdesý sharalary aıasynda jasalǵan sharttardy tıisinshe oryndaýy qajet.
Budan bólek, jan basyna shaqqandaǵy memlekettik tapsyrys baǵdarlamalary, ınfraqurylymdyq memlekettik satyp alýlar nemese arnaýly áleýmettik qyzmetter kórsetý aıasynda bıýdjetten qarjylandyrylatyn uıymdarda sýbsıdııalanatyn jumys oryndary ashylmaıdy.
Bul talap bir shyǵynnyń memlekettik bıýdjetten eki ret qarjylandyrylýyna jol bermeý úshin engizilgen. ıAǵnı memleket qarjysy bir jumys ornyna nemese bir shyǵynǵa birneshe baǵdarlama arqyly qaıtalanyp jumsalmaýǵa tıis. Osy arqyly bıýdjet qarajatyn tıimdi ári maqsatty paıdalaný kózdeledi.
Sýbsıdııalanatyn jumys oryndarynyń sany jumys berýshiniń sanatyna baılanysty belgilenedi.
Úkimettik emes uıymdar úshin respýblıkalyq mańyzy bar qalalarda 1-den 10-ǵa deıin, al óńirlerde 1-den 5-ke deıin sýbsıdııalanatyn jumys ornyn uıymdastyrýǵa bolady. Bul rette úkimettik emes uıymdar Úkimettik emes uıymdardyń resmı derekqorynda tirkelgen bolýy qajet.
Kommertsııalyq uıymdar, jeke kásipkerler, sharýa nemese fermer qojalyqtary jáne áleýmettik kásipkerler úshin 1-den 5-ke deıin sýbsıdııalanatyn jumys orny qarastyrylǵan.
Bul sanatqa jatatyn jumys berýshilerdiń jalaqy boıynsha qaryzy bolmaýǵa tıis. Olar sońǵy 12 aıda áleýmettik tólemderdi turaqty aýdaryp kelgen bolýy kerek. Sonymen birge baǵdarlamanyń aldyńǵy kezeńderine qatysqan azamattardy turaqty jumysqa qabyldaýy qajet.
Memlekettik organdar men kvazımemlekettik sektor sýbektileri úshin de 1-den 5-ke deıin sýbsıdııalanatyn jumys orny qarastyrylǵan.
Al aýyldyq ákimdikter men kommýnaldyq kásiporyndarǵa qatysty bólek tártip qoldanylady. Olar úshin sýbsıdııalanatyn jumys oryndarynyń sany aýyldaǵy halyqtyń sanyna qaraı belgilenedi. Mundaı jumys oryndarynyń sany aýyl turǵyndarynyń jalpy sanynyń 2 paıyzynan 5 paıyzyna deıin bolýy múmkin.
Barlyq rásim elektrondy túrde júrgiziledi
Sýbsıdııalanatyn jumys oryndaryn uıymdastyrýdaǵy negizgi ózgeristerdiń biri – osy protsestiń tolyq tsıfrlandyrylýy. Endi jumys berýshilerdi irikteý, azamattardy ashylǵan jumys oryndaryna joldaý jáne qajetti qujattardy tekserý elektrondy formatta júzege asyrylady. Bul jumystar Elektrondyq eńbek bırjasy arqyly iske asady.
Rásimderdi tsıfrlandyrý qaǵaz qujattarǵa degen qajettilikti azaıtyp, ótinishterdi tezirek qaraýǵa jol ashady. Sonymen qatar protsestiń ashyqtyǵyn arttyryp, sheshim qabyldaýdaǵy adamı faktordy barynsha shekteýge múmkindik beredi.
Osylaısha, sýbsıdııalanatyn jumys oryndaryn uıymdastyrýdyń jańartylǵan tártibi jumys berýshilerge qoıylatyn naqty talaptardy, olardyń sanatyna qaraı saralanǵan tásildi jáne negizgi rásimderdi tolyq tsıfrlandyrýdy kózdeıdi.
Bul ózgerister sýbsıdııalanatyn jumys oryndaryn naqty qajettilikke qaraı bólýge, jumys berýshiler men baǵdarlamaǵa qatysýshylar úshin rásimderdiń ashyqtyǵyn arttyrýǵa, sondaı-aq memlekettik bıýdjet qarajatyn tıimdi ári maqsatty paıdalanýǵa múmkindik beredi.
Aıta keteıik, elimizde 50 jastan asqan azamattardy jumyspen qamtýǵa arnalǵan «Kúmis jas» jobasy jalǵasyp jatyr. Jyl basynan beri jobaǵa 9,2 myńnan asa adam qatysqan. Bul bıylǵy jospardyń 92%-dan astamy oryndalǵanyn kórsetedi.
