Elimizde joǵary tabysqa progressıvti salyq shkalasy qaıta engizilýi múmkin

ASTANA. KAZINFORM – Qazaqstan joǵary tabysqa progressıvti salyq shkalasyn qaıtarý qarastyrylyp jatyr. Bul týraly Parlamenti Májilisi janyndaǵy Qoǵamdyq palata otyrysynda Ulttyq ekonomıka birinshi vıtse-mınıstri Azamat Amrın málim etti.

Ol osy tájirıbe elimizde 2007 jylǵa deıin qoldanylǵanyn eske saldy. Sol kezde progressıvti salyq shkalasy 5 satyly deńgeıde boldy. 

— Endi júıe kúrdeli bolmaýy úshin eki satyly deńgeı usynyldy. Birinshiden, eger aı saıynǵy tabys 3 mln teńgege deıin bolsa, stavka qazirgideı 10 paıyz deńgeıde saqtalady. Al tabysy 3 mln-nan joǵary bolsa, onda ol mólsherleme 15% quraıdy. Bul zań jobasy aıasynda osyndaı shkala pysyqtalyp jatyr, — dedi Azamat Amrın.

Eske salsaq, 9 sáýir kúni Parlament Májilisi Salyq kodeksiniń jańa jobasyn birinshi oqylymda maquldady. Endi palata osy qujat jobasy aıasynda usynylǵan qosymsha bastamalardy ekinshi oqylymǵa deıin talqylaıdy.