Elimizde jylý jelileriniń 53%-y tozǵan

ASTANA. KAZINFORM – 2030 jylǵa deıin tozyǵy jetken jylý jelilerin 43%-ǵa azaıtý josparlapy otyr. Bul týraly Ónerkásip jáne qurylys mınıstri Qanat Sharlapaev málim etti.

«Jergilikti atqarýshy organdardyń derekterine sáıkes jylý jelileriniń jalpy uzyndyǵy shamamen 13 myń shaqyrymdy quraıdy. Olardyń 53% tozǵan jáne shamamen 7 myń shaqyrym aýystyrýdy qajet etedi. Atap aıtqanda, jylý jelileriniń Pavlodar oblysynda (Ekibastuz – 91%, Pavlodar – 83%), Aqmola oblysy (Stepnogorsk – 82%, Atbasar-76,5%), Soltústik Qazaqstan oblysy (Petropavl-74%), Qostanaı oblysy (Arqalyq – 68%, Rýdnyı – 68%), Mańǵystaý oblysy (Aqtaý – 71%) jáne Qaraǵandy oblysy (Temirtaý – 67%) tozyǵy jetken», - dedi Qanat Sharlapaev Úkimet otyrysynda.

Sondaı-aq, mınıstr 2030 jylǵa deıin jylý jelileriniń tozýyn 43%-ǵa tómendetý qajettigin aıtty.

«Ol úshin jyl saıyn shamamen 350 shaqyrym jylý jelilerin jóndeý qajet. Oǵan jylyna shamamen 250 mlrd teńge qarajat kerek. Ótken jyly qarjylandyrý kózderi esebinen 336 shaqyrym jylý jelileri jańǵyrtyldy», - deıdi ol.

Buǵan deıin habarlaǵanymyzdaı byltyr elimiz 31,2 mln tonna kómir eksporttady.