Elimizde jyl saıyn 300 adam aǵza donoryna qoly jetpeı qaıtys bolady

ASTANA. KAZINFORM – Transplantatsııalaý men joǵary tehnologııalyq medıtsınalyq qyzmetti úılestirý jónindegi respýblıkalyq ortalyq dırektorynyń mindetin atqarýshy Nazgúl Jangeldına qazaqstandyq naýqastar úshin aǵza donorlyǵynyń damýy qanshalyqty mańyzdy ekenin aıtty. 

– Búginde Qazaqstanda kútý paraǵynda 4 384 patsıent, olardyń ishinde 121 bala tur. Patsıentterdiń basym bóligi – búırek transplantatsııasyn qajet etetinder, 91% solardyń úlesinde. 222 patsıentke baýyr, 149 naýqasqa júrek, 27 adamǵa ókpe, 6 adamǵa ókpe-júrek keshenin aýystyrý kerek. Jyl saıyn transplantatsııa kezegin kútken 300-den astam adam, ómirden ozady, - dedi ortalyq basshysy.

Resmı derek boıynsha, elimizde 2012 jyldan beri 3 200-den astam aǵza transplantatsııasy jasalǵan.

– Olardyń negizgi bóligi tiri donorlardan jasalǵan otalarǵa tıesili. 2023 jyldan bastap konservatsııalanǵan móldir qabyqty transplantatsııalaý engizildi. 308 aýystyryp salý operatsııasy jasaldy. Alaıda, búkil júıeniń damýy eń aldymen qaıtys bolǵannan keıingi donorlyqqa tikeleı baılanysty bolyp otyr, - dedi maman.

Buǵan deıin Nazgúl Jangeldına elimizde 10 myń adam ǵana donor bolýǵa keliskenin málimdegen edi.