Elimizde jyl saıyn 100-den astam otandyq fılm prokatqa shyǵady
ASTANA. KAZINFORM — Byltyr Qazaqstanda prokatqa 100-den astam otandyq fılm shyqty. Eldegi kınoındýstrııanyń damý qarqyny men aldynda turǵan máselelerdi Máýlen Áshimbaev júrgizgen baǵdarlamada talqylady.
Talqylaýǵa prodıýser, stsenarıst, GGCinema kompanııasynyń negizin qalaýshy Gúlnur Mamasarıpova, Kinopark Theatres kompanııasynyń negizin qalaýshy Almaz Maldybaev jáne Qazaqstannyń eńbek sińirgen qaıratkeri, akter Azamat Satybaldy qatysty.
Gúlnur Mamasarıpovanyń aıtýyna qaraǵanda, qazir qazaqstandyq kıno qarqyndy damyp keledi. Al Almaz Maldybaev keıingi jyldary kınoteatr kórermenderiniń jartysyna jýyǵy otandyq fılmderdi tamashalaıtynyn atap ótti.
Sonymen qatar pikirtalasqa qatysýshylar kınoındýstrııanyń tabysty damýy tek premeralar sany men kassalyq túsimderge baılanysty emes ekenin aıtty. Eń bastysy — kórermenniń kóńilinen shyǵyp, oǵan áser ete alatyn sapaly týyndylar jasaý.
Azamat Satybaldynyń pikirinshe, kıno óneriniń basty mindeti — eń áýeli, kórermenge áser etý.
Saladaǵy ózekti máselelerdiń biri retinde kıno kórsetý ınfraqurylymynyń shekteýli ekeni ataldy.
Almaz Maldybaevtyń baǵalaýynsha, Qazaqstannyń ishki naryǵyn tolyq qamtý úshin elde 2 myńnan astam kınoteatr bolýy qajet.
Eske salaıyq, buǵan deıin Býdapeshtte Qazaqstannyń úsh fılmi kórsetilip jatqanyn habarlaǵanbyz.
