Elimizde jetkilikti maman daıarlanbaı otyrǵan asa mańyzdy segiz sala anyqtaldy
ASTANA. KAZINFORM — Qazaqstannyń eńbek naryǵy tyńǵylyqty zerttelip keledi. Bul jóninde QR Ǵylym jáne joǵary bilim mınıstri Saıasat Nurbek málimdedi.
— 2025 jyly QS (Quacquarelli Symonds) kompanııasymen birlesken zertteýdi bastadyq, sondaı-aq tek taldap qana qoımaı, ekonomıkanyń qajettilikterin boljaýǵa múmkindik beretin HolonIQ platformasy engizilip jatyr. Osynyń nátıjesinde biz alǵash ret: halyqaralyq taksonomııa negizindegi jumyspen qamtýdyń tolyq kórinisin; tapshy quzyretterdiń naqty sıpatyn; bolashaq kásipterge qatysty boljamdy aldyq, — dedi ol.
Sonymen birge, mınıstrdiń sózinshe, zertteý tórt sektorǵa suranys joǵary ekenin kórsetti. Olar — derektermen jumys, mashınalyq oqytý, tsıfrlyq ınjenerııa jáne kıberqaýipsizdik.
Budan bólek, salalyq bilim men jasandy ıntellektini ushtastyratyn gıbrıdti kásipterdiń jańa qabaty qalyptasyp keledi.
— Taldaý Qazaqstanda búgingi tańda jetkilikti maman daıarlanbaı otyrǵan asa mańyzdy kásipterdiń segiz klasterin aıqyndady. Olar: ozyq óndiris, tsıfrlyq tehnologııalar, taza energetıka, qarjylyq qyzmetter, ómir týraly ǵylymdar, qorǵanys salasy, kreatıvti ındýstrııalar, kásibı qyzmetter, — dedi Saıasat Nurbek.
Aıta keteıik, buǵan deıin eldegi eńbek naryǵy ózgeretinin, 10 jylda 14 kásip joıylatynyn jazǵanbyz.
