24 shildede jer silkiný qaýpi bar óńirlerde dabyl qaǵylady
ASTANA. KAZINFORM - 23-24 shildede elimizde «Jer-2025» respýblıkalyq komandalyq-shtabtyq oqý-jattyǵýy ótedi.
Tótenshe jaǵdaılar mınıstrligi málimetinshe, oqý-jattyǵýdy úılestirý respýblıkalyq shtaby Shymkent qalasynda ornalasqan.
24 shildede saǵat 10:00-de joıqyn jer silkinisi bolýy yqtımal elimizdiń seısmıkalyq qaýipti óńirlerinde Almaty, Shymkent qalalary men Abaı, Jetisý, Almaty, Shyǵys Qazaqstan, Jambyl, Qyzylorda jáne Túrkistan oblystarynda «Barshanyń nazaryna!» sırena-sóıleý qurylǵylary iske qosylady, sondaı-aq adamdar kóp jınalatyn obektilerde seısmıkalyq jattyǵýlar ótkiziledi.
Oqý-jattyǵý azamattyq qorǵaý memlekettik júıesiniń joıqyn jer silkinisi saldarynan týyndaǵan tótenshe jaǵdaıdy joıýǵa daıyndyq deńgeıin arttyrý maqsatynda júrgiziledi.
Atalǵan is-shara respýblıkalyq jáne óńirlik azamattyq qorǵaý qyzmetteriniń, jergilikti atqarýshy organdardyń qatysýymen, shartty túrde joıqyn silkinis kezindegi is-áreketterdi pysyqtaý arqyly ótkiziledi.
Onyń barysynda avarııalyq-qutqarý jumystary, zardap shekken turǵyndardy shuǵyl qabyldaý pýnktteri, olardy qabyldaý men kómek kórsetýge arnalǵan palatkalyq lagerler men 4 dalalyq medıtsınalyq aýrýhana kórsetiletin bolady.
Aıta keteıik, Almatyda órt sóndirýshilerdiń oqý-jattyǵýy ótti.