Elimizde jasóspirimderdiń júktiligi 10,2% tómendedi

ASTANA. KAZINFORM — Bul rette erte jynystyq qatynasqa túsken qyzdardyń arasynda túsik sany 13,4%-ǵa azaıdy, dep habarlaıdy DSM baspasóz qyzmeti.

— Ótken jyly 15-17 jas aralyǵyndaǵy jasóspirim qyzdardyń arasynda júktilik jáne bosaný jaǵdaılarynyń sany 2023 jylmen salystyrǵanda 10,2%-ǵa (1000 turǵynǵa shaqqanda 3,9-ǵa qarsy 3,5) jáne 8,2%-ǵa (1000 turǵynǵa shaqqanda 3,14-ke qarsy 2,88) tómendedi. Sondaı-aq, erte jynystyq qatynasqa túsken qyzdardyń arasynda aborttardyń sany 13,4%-ǵa azaıdy. Búgingi fertıldik jastaǵy balalar men jasóspirimderdiń reprodýktıvtik densaýlyǵynyń jaǵdaıdy keıingi 10-15 jyl ishindegi demografııalyq protsesterge tikeleı áser etedi, — dep atap ótti Densaýlyq saqtaý mınıstrligi. 

Jasóspirimderdiń júktiligi sezimtal áleýmettik mańyzdy kórsetkishterge jatady, óıtkeni erte júkti bolǵan qyzdar bilim alý múmkindigin joǵaltady, áleýmettik problemalarǵa tap bolady, olardyń minez-qulqynda sýıtsıdtik úrdister men psıhologııalyq buzylýlar artady. Qazirgi jaǵdaıda jasóspirim qyzdardyń reprodýktıvtik densaýlyǵynyń jaǵdaıy jynystyq ómirdiń erte bastalýyna baılanysty, jasóspirimderdiń arasyndaǵy jynystyq debıýt 16,5 jasty quraıdy.

BUU-nyń turǵyn halyq salasyndaǵy qorynyń (ıÝNFPA) zertteýine sáıkes kontratseptsııanyń qazirgi zamanǵy quraldaryn jalpy el boıynsha da, óńirler boıynsha da paıdalanatyn jasóspirimderdiń úlesi eń joǵary mánderimen 20%-dan aspaıdy.

Salaýatty ómir salty, reprodýktıvtik jáne psıhıkalyq densaýlyqty saqtaý, onyń ishinde erte jynystyq ómirdiń aldyn alý, otbasyn josparlaý, kontratseptıvterdi qoldaný, qalamaǵan júktiliktiń aldyn alý máseleleri boıynsha mamandardyń konsýltatsııalaryn ár óńirde jumys isteıtin jastar densaýlyq ortalyqtarynan alýǵa bolady.

Osyǵan deıin Batys Qazaqstanda sońǵy bes jylda 12 jasóspirim júkti bolyp qalǵany habarlanǵan edi.