Elimizde jasóspirimder arasyndaǵy qylmys deńgeıi tómendep keledi
ASTANA. KAZINFORM — 2024 jyly elimizde balalar men jasóspirimder arasynda 12 myńnan astam profılaktıkalyq is-sharalar ótkizildi. Bul týraly Úkimettiń baspasóz qyzmeti málim etti.
ıÝvenaldy polıtsııa qyzmetkerleri bilim berý mekemelerimen belsendi qarym-qatynas jasaıdy, balanyń quqyǵy týraly sabaqtar ótkizedi jáne quqyq buzýshylyqqa beıim oqýshylardy anyqtaıdy. Bir jyl ishinde 94 myńnan astam osyndaı kezdesýler uıymdastyryldy, bul mektepterde qaýipsiz orta qalyptastyrýǵa yqpal etedi.
Mańyzdy mindetterdiń biri ınternettegi zańǵa qaıshy kontentpen kúresý boldy. Jyl basynan beri zorlyq-zombylyq pen sýıtsıdti nasıhattaıtyn 127 saıtty qosqanda, 35 myńnan astam zańsyz resýrstar anyqtaldy. Mundaı qaýipterge qarsy belsendi áreket etý jasóspirimderge teris áser etýdiń aldyn alýǵa jáne olardyń zańsyz áreketterge qatysý qaýpin azaıtýǵa kómektesedi.
— Bul sharalar qazirdiń ózinde nátıje berýde: jasóspirimder qylmysy 6%-ǵa tómendedi. Eń úlken tómendeý kisi óltirý (- 29%), urlyq (- 19%) jáne tonaý (- 15%) áreketterinde baıqalady. Ata-analardy, tárbıeshilerdi jáne polıtsııany birlesken profılaktıkalyq jumysqa tartý balalardyń qaýipsiz bolashaǵyn qalyptastyrýǵa kómektesedi, — delingen habarlamada.
Buǵan deıin zorlyq-zombylyqtan zardap shekken 100 myńǵa jýyq áıel polıtsııaǵa júgingeni málim boldy.