Elimizde jas ǵalymdarǵa jaǵdaı jasala bastady

Qazaqstan jas ǵalymdar úshin barynsha qolaıly orta qalyptastyrýǵa umtylýda. Ǵalymdarǵa qoldaý kórsetý qajettigi jáne elimizde ǵylymı kadrlardyń tapshylyǵy kópten beri jáne júıeli túrde aıtylyp keledi. Kazinform bul týraly Energyprom monıtorıng resýrsyna silteme jasap habarlaıdy. 

Máselen, QR Ǵylym jáne joǵary bilim mınıstri Saıasat Nurbek 90-shy jyldardyń qıyn-qystaý kezeńinde Qazaqstannyń 30 myńnan astam ǵalymnan aırylýy — elimizdiń ǵylymı áleýetine aýyr soqqy bolǵanyn aıtfly.

Jas ǵalymdardy qoldaý, olardy el ishinde qaldyrý maqsatynda túrli sharalar atqarylyp jatyr. Sonymen, QR Parlamenti Májilisiniń depýtaty Ashat Aımaǵambetov jańartylǵan zań jobalarynyń arqasynda qazaqstandyq ǵalymdar úzdiksiz, turaqty jalaqy alyp, grantqa táýeldi bolmaıtynyn aıtty.

Sonymen qatar, «Otbasy banki» arqyly jas ǵalymdardy baspanamen qamtamasyz etetin mańyzdy baǵdarlama — jeńildikpen nesıelendirý qolǵa alyndy.

Áleýetti qaryz alýshylardyń tiziminde Ǵylym jáne joǵary bilim mınıstrligine qarasty 53 uıymnyń jas ǵalymdary bar.

Baǵdarlama jas ǵalymdarǵa alǵashqy páterin satyp alýǵa jáne sáıkesinshe týǵan eliniń ıgiligi úshin ǵylymı zertteýdi jalǵastyryp, Qazaqstanda qalýǵa múmkindik beredi.

Baǵdarlama boıynsha nesıeniń maksımaldy somasy — 20 mln teńge, nesıe merzimi — 19 jylǵa deıin, mólsherlemesi — bar bolǵany jylyna 5% (JTPM — 5,2%-dan bastap).

Jas ǵalymdar eń kóp degende 20 mln teńge nesıe alsa, alǵashqy segiz jylda aı saıynǵy tólem mólsheri — 155 myń teńge, odan keıingi jyldary 84 myń teńgege deıin tómendeıdi.

Osylaısha Otbasy banki men tıisti mınıstrlik ǵylymmen jáne zertteýmen aınalysatyn jastardyń ómirin jaıly etip, Qazaqstannyń akademııalyq ortasyn jaqsartýǵa yqpal etip otyr.

Baǵdarlama 1 jeltoqsannan bastap iske qosyldy.

Alǵashqy aıda 16 ǵalym 311 mıllıon 415 myń teńge nesıe alyp úlgerdi.