Elimizde jańartylatyn energetıka úlesi 7%-dan 8,5%-ǵa ósti
ASTANA. KAZINFORM — 2026 jyldyń 3 toqsanynyń qorytyndysy boıynsha Qazaqstanda jańartylatyn energııa kózderi (JEK) óndirgen elektr energııasynyń kólemi 7,8 mlrd kVt·saǵat boldy. Bul 2025 jyldyń sáıkes kezeńimen salystyrǵanda 20% joǵary.
Energetıka mınıstrligi málimetinshe, elektr energııasynyń negizgi kólemi jel elektr stantsııalaryna tıesili – 4,9 mlrd kVt·saǵat. Kún elektr stantsııalary 1,9 mlrd kVt·saǵat, shaǵyn sý elektr stantsııalary 993 mln kVt·saǵat elektr energııasyn óndirdi. Jalpy elektr energııasyn óndirýdegi JEK úlesi 8,5%-ǵa jetti.
Birinshi jartyjyldyqtyń qorytyndysy boıynsha bul kórsetkish 8,08% bolǵan. Bul rette eldegi JEK obektileriniń belgilengen qýaty 3,7 GVt-qa jetti. Belgilengen qýat qurylymynda jel elektr stantsııalarynyń úlesi 2 GVt, kún elektr stantsııalarynyń úlesi 1,3 GVt, shaǵyn sý elektr stantsııalarynyń úlesi 313 MVt.
Osylaısha, Qazaqstanda jańartylatyn energııa kózderinen elektr energııasyn óndirý kólemi ósip jatyr. Bul olardyń eldiń energetıkalyq teńgerimindegi úlesin arttyrýǵa jáne taza energetıkany odan ári damytýǵa yqpal etedi.
Aıta keteıik, Almatyda Powerexpo Almaty 2026 halyqaralyq energetıkalyq forýmy ótedi.
