Elimizde janar-jaǵarmaı baǵasy ózgerýi múmkin be
ALMATY. KAZINFORM – Almatyda halyqaralyq KIOGE konferentsııasy ótti. Іs-sharaǵa qatysqan QR Energetıka mınıstri Almasadam Sátqalıev Qazaqstanda aldaǵy ýaqytta janar-jaǵarmaı baǵasynyń kúrt óspeıtinin aıtty.
Vedomstvo basshysynyń aıtýynsha, qazirgi ýaqytta benzın qory shamamen 22 kúnge, al dızel otyny 35 kúnge jetedi. Ol janar-jaǵarmaı qory aýyl sharýashylyǵyndaǵy egin jınaý naýqany men Atyraý munaı óńdeý zaýytynda josparlanǵan jóndeý jumystaryn eskere otyryp qalyptasqanyn atap ótti.
– Biz shekara arqyly ónimderimizdiń zańsyz ótý úrdisiniń údep bara jatqanyn baıqap otyrmyz. Іshki naryq pen kórshi memleketterdiń baǵalary arasynda aıtarlyqtaı aıyrmashylyq bar. Biz ishki naryqty turaqty qamtamasyz etýge teris áser etýi múmkin bul táýekeldi kórip otyrmyz, - dedi mınıstr.
Sondaı-aq mınıstr janar-jaǵarmaı baǵasyn kúrt ósirý josparda joq ekenin aıtty. Óıtkeni Úkimet áleýmettik jaýapty tásildi ustanady. Alaıda ol baǵanyń josparly ósýi kútiletinin joqqa shyǵarmady.
– Birinshi kezekte halyqtyń áleýmettik osal toptary úshin gaz jáne munaı ónimderimen qamtamasyz etýge baılanysty bastapqy qajettilikterdi qosa alǵanda, kommýnaldyq qyzmetter baǵasynyń ósýin óteýge múmkindik beretin ataýly áleýmettik kómek (AÁK) jáne áleýmettik ámııan baǵdarlamalaryn iske qosý josparlanyp otyr. Osy tetik ázirlengennen keıin baǵanyń ósýi Úkimettiń baǵdarlamasyna sáıkes, biz Ulttyq Bank pen Úkimet belgilegen ınflıatsııa dálizine baǵdarlanatyn ındıkatorlarǵa sáıkes birkelki júzege asyrylatyn bolady, - dedi Almasadam Sátqalıev.
Eske salaıyq, buǵan deıin Qazaqstanda janarmaı eksportyna tyıym salý merzimi uzartylatynyn jazǵanbyz.
