Elimizde jańadan 20 sý qoımasyn salý josparlanyp otyr

Jer sharynyń 70%-yn sý alyp jatyr. Alaıda onyń 97,5%-y tuzdy sý. Qalǵan 2,5%-y ǵana ishýge jaramdy, dep habarlaıdy Kazinform Sý resýrstary jáne ırrıgatsııa mınıstrligi baspasóz qyzmetine silteme jasap.

Sondyqtan tirshilik nárin únemdep qana qoımaı, ony tıimdi paıdalaný óte mańyzdy.

Osyǵa baılanysty QR Sý resýrstary jáne ırrıgatsııa mınıstrligi sý sharýashylyǵyn damytýdyń 2024-2030 jyldarǵa arnalǵan keshendi josparyn ázirledi.

Keshendi jospardy iske asyrý aıasynda el aýmaǵynda jańadan 20 sý qoımasyn salý, qoldanystaǵy 15 sý qoımasyn jáne 14 myń shaqyrymnan astam sýarý júıesin rekonstrýktsııalaý josparlanyp otyr.

Qujatta qarastyrylǵan osy jáne ózge de is-sharalardyń nátıjesinde mınıstrlik turǵyndardy sapaly aýyzsýmen qamtamasyz etýge, elimizdegi sý qoryn arttyryp, sýarmaly jerlerdiń aýdanyn ulǵaıtýǵa jáne sý shyǵynyn azaıtýǵa nıetti.