Elimizde jańa jyl túni 181 bala dúnıege keldi

ASTANA. KAZINFORM — Jańa jyl qarsańynda respýblıkanyń perzenthanalarynda 181 bala dúnıege keldi, onyń ishinde 105 ul men 76 qyz bar. Bul týraly QR Densaýlyq saqtaý mınıstrligi málim etti.

Dúnıe esigin ashqan sábılerdiń arasynda Mańǵystaý oblysynda bir egiz bar.

— Mereke túninde týǵan nárestelerdiń eń kóp sany Túrkistan oblysynda tirkeldi — 34 sábı, ekinshi orynda-Almaty qalasy men Almaty oblysy, onda 17 jańa týǵan náreste dúnıege keldi jáne týý boıynsha kóshbasshylardyń úshtigi Shymkent qalasyna tıesili, munda 16 otbasy balaly boldy, — delingen habarlamada.

Respýblıkanyń astanasynda jańa jyl qarsańynda dál osy kúni ótken jyldaǵydaı 10 sábı dúnıege keldi.

Eske sala keteıik, buǵan deıin bıyl sábılerge qoıylǵan eń tanymal esimderdi jarııalaǵan bolatynbyz.