Elimizde jańa mamandyqty tegin oqyp, jumysqa ornalasýǵa bolady
ASTANA. KAZINFORM – Elimizde jańa mamandyqty tegin ıgerip, jumysqa ornalasýǵa múmkindik bar.
Eńbek jáne halyqty áleýmettik qorǵaý mınıstrligi málimetinshe, jumyssyz azamattarǵa suranysqa ıe mamandyqty meńgerip, jumysqa ornalasýǵa múmkindik beretin qysqa merzimdi kásiptik oqytý jalǵasyp jatyr.
Sońǵy úsh jylda:
30 387 adam oqýdan ótti;
21 781 azamat turaqty jumysqa ornalasty.
Memleket oqý aqysyn tóleıdi, shákirtaqy taǵaıyndaıdy, sondaı-aq qajet bolǵan jaǵdaıda medıtsınalyq tekserýden ótý, jol júrý jáne turý shyǵynyn óteıdi.
Bul baǵdarlamanyń qalaı jumys isteıtini týraly tolyǵyraq beınematerıalymyzdan kóre alasyz.
Aıta keteıik, 2026 jyldyń alǵashqy alty aıynda memlekettik eńbek ınspektorlarynyń jumysynyń nátıjesinde Qazaqstanda 36 myńǵa jýyq jumyskerdiń eńbek quqyǵy qorǵaldy.
