Elimizde jalpyulttyq jastardyń esirtkige qarsy qozǵalysy quryldy
ASTANA. KAZINFORM – Elordada «Esirtkisiz QAZAQSTAN» atty respýblıkalyq konferentsııa ótti. Іs-sharany QR Mádenıet jáne aqparat mınıstrligi men QR Іshki ister mınıstrliginiń Esirtki quqyq buzýshylyqtarynyń profılaktıkasy boıynsha keńesiniń qoldaýymen «Esbol Qory» qoǵamdyq qory uıymdastyrdy.
Bul bastama Memleket basshysy Qasym-Jomart Toqaevtyń Qaýipsizdik keńesiniń otyrysynda bergen tapsyrmalary aıasynda uıymdastyryldy. Prezıdent ol jerde narkotızm el bolashaǵyna tóngen qater ekenin erekshe atap ótti.
Konferentsııa jumysyna nashaqorlyqtyń aldyn alý men jastardy qoldaýǵa jaýapty negizgi memlekettik organdardyń birinshi basshylary, Mádenıet jáne aqparat mınıstrligi, Іshki ister mınıstrligi, Densaýlyq saqtaý mınıstrligi, sondaı-aq halyqaralyq seriktesterdiń (BUU qurylymdary) ókilderi qatysty.
Jas kóshbasshylar nashaqorlyqtyń aldyn alý boıynsha ózderi ázirlegen ınnovatsııalyq tásilder men tsıfrlyq sheshimderdi usyndy. Solardyń biri – «MERGEN» aqparattyq júıesi. Ol onlaın keńistikti esirtkige qatysty vırýstyq kontentti anyqtap, ony buǵattaıdy. Osy júıeniń arqasynda Qazaqstan aýmaǵynda 5 000-nan astam ınternet-resýrs anyqtaldy. Sondaı-aq esirtki qylmysynyń tsıfrlyq kartasy tanystyryldy.
Kartany quqyq qorǵaý organdary óz qyzmetine belsendi qoldanyp jatyr. Konferentsııa barysynda nashaqorlyqtyń aldyn alý jónindegi 20 óńirlik front-keńse jumysy talqylandy. Bul ortalyqtar jastarǵa baǵyttalǵan jáne jasóspirim, stýdentterge salaýatty ómirdiń mańyzyn túsinikti tilde jetkizedi. Sol úshin arnaıy ǵylymı ádistemelerge negizdelgen zamanaýı baǵdarlamalardy da engizýde.
Sonymen qatar konferentsııa aıasynda búkil el boıynsha jas belsendilerdi biriktiretin «Esirtkisiz QAZAQSTAN» jalpyulttyq jastardyń esirtkige qarsy qozǵalysyn qurý týraly memorandýmǵa qol qoıyldy.
Eske sala keteıik, buǵan deıin elimizde esirtkimen baılanysty qylmys sany 2,8%-ǵa óskenin jazǵan edik.