Elimizde zańsyz qurylys qashan toqtaıdy

Búgin elordada zańsyz qurylysqa jol berý jáne onymen kúresý máselesi kóterildi, dep habarlaıdy Kazinform. 

«Bul jerde másele baqylaý fýnktsııasyna qatysty. Bıyl qala qurylysy saraptamasynyń tetigi engizildi. Bizde memlekettik saraptama qalalyq josparlaýdyń qujattarǵa sáıkestigi týraly qorytyndy beredi. Demek, ákimdik qurylys salýǵa jerdi berý protsesin baqylaıdy jáne qurylys bas josparǵa sáıkestigi qatań baqylaýda bolady. Qurylys salasynda másele bar ekenin túsinemin. Ýchaskelerdi bólý kezinde belgili bir asyra paıdalaný bar. Qazir bizde bir baqylaý mehanızmi bar, endi josparlaýdyń aıasynan tys jumys isteý kerek bolady», - dedi Ónerkásip jáne qurylys mınıstri Qanat Sharlapaev vedomstvoda ótken baspasóz máslıhatynda.

Mınıstrdiń aıtýynsha, jańa baqylaý mehanızmi jaqynda ǵana engizildi. Olar memlekettik saraptama mekemesinde kelisimnen ótedi.

«Eger qurylys nysany qalanyń bas josparyna sáıkes kelmese, biz onda kelisim bermeımiz. Bul jerde memlekettik saraptama sheńberinde mınıstrlik pen ákimdikter arasynda ózara is-qımyldy jolǵa qoıý kerek. Biz máseleniń baryn moıyndaımyz jáne shekteýler qoıýǵa tyrysamyz. Nátıjesi shyqpasa qaıta qaraımyz», - deıdi ol.