Elimizde zamanaýı geologııalyq qor qoımasy salynady

ASTANA. KAZINFORM – Sáýirde elorda ákimdigi geologııalyq qor qoımasyn salýǵa jer bólmek. Bul týraly Ónerkásip jáne qurylys mınıstrligi Geologııa komıtetiniń tóraǵasy Erlan Aqbarov málim etti.

«Geologııa salasyn damytý faktorlarynyń biri onyń tıisti jaǵdaıda qamtamasyz etilýi. Qazirgi ýaqytta Qazaqstannyń bul salasy úshin geologııalyq aqparatty saqtaýdyń onyń ishinde tsıfrlyq túrde saqtaýdyń zamanaýı ınfraqurylymy qajet. Osy aıda Astana qalasynyń ákimdigi geologııalyq qor qoımasyn salýǵa jer telimin bóledi», - dedi Erlan Aqbarov Ortalyq kommýnıkatsııalar qyzmeti alańynda ótken baspasóz máslıhatynda.

Komıtet basshysynyń aıtýynsha, tıisti rásimderden keıin elimiz geologııalyq aqparatty saqtaýdyń zamanaýı ınfraqurylymymen qamtamasyz etilmek.