Elimizde vedomstvolyq nagradalardyń biryńǵaı standarty jáne tizimi ázirlenedi

ALMATY. KAZINFORM Memlekettik keńesshi Erlan Qarınniń tóraǵalyǵymen Memlekettik rámizder men vedomstvolyq jáne olarǵa teńestirilgen ózge de nagradalar geraldıkasy máseleleri jónindegi respýblıkalyq komıssııanyń otyrysy ótti. Bul týraly Aqordanyń baspasóz qyzmeti habarlady.

Komıssııa músheleri Memleket basshysynyń Ulttyq quryltaıdyń tórtinshi otyrysynda bergen tapsyrmasyna sáıkes, vedomstvolyq nagradalardyń biryńǵaı standartyn jáne tizimin ázirleý jónindegi máseleni talqylady.

Basqosýda Mádenıet jáne aqparat mınıstrligi vedomstvolyq nagradalardy qoldaný jáne jetildirý úshin atqarylyp jatqan sharalar boıynsha esep berdi. Sondaı-aq vedomstvolyq nagradalardy ońtaılandyrý men júıeleýdiń jalpy tásilderin usyndy.

Jıyn sońynda Memlekettik keńesshi vedomstvolyq nagradalar salasyndaǵy jumystardy odan ári jetildirý jóninde birqatar tapsyrma berdi.

Buǵan deıin memlekettik nagradalar alýǵa qatysty qoıylatyn talaptar kúsheıtiletinin jazǵan bolatynbyz.