Elimizde ýtılalymǵa qatysty eshqandaı ózgeris bolmaıdy – Qanat Sharlapaev

ASTANA. KAZINFORM – Ónerkásip jáne qurylys mınıstri Qanat Sharlapaev elimizde ýtılalymǵa qatysty eshqandaı ózgeris bolmaıtynyn málim etti

Búgin Parlament Májilisindegi baspasóz máslıhatynda tilshiler mınıstrden «ýtılalymdy tómendetýge vedomstvo nege qarsy?» ekenin surady. 

«Qazirgi kezde ýtılızatsııa alymyna qatysty eshqandaı ózgeris jasamaımyz. Ónerkásip jáne qurylys mınıstri qyzmetin atqaryp jatyrmyn. Bul rette, meniń jumysym kásiporyndardy damytý jáne olardyń qýatyn arttyrýǵa qatysty. Qazir Qazaqstanda 2 avtokólik zaýytyn salyp jatyrmyz, sondaı-aq osy salaǵa kóptegen jumys orny ashylady. ıAǵnı osyny eshkim eskerip jatqan joq. Qazirgi teketires nege baılanysty? Eki zaýytty salyp jatyrmyz. KIA kóligin shyǵaratyn zaýyttyń qurylysy 2025 jyldyń ortasynda aıaqtalady. Almaty qalasynyń mańynda qýaty 90 myń kólik óndiretin salyp jatyrmyz. Ondaǵy jumys oryndaryn kim saqtaıdy? Men depýtattarǵa osyndaı suraq qoıdym jáne taǵy da qoıamyn», - dedi Qanat Sharlapaev.

Bul turǵyda elimizdegi avtokóliktiń baǵasyn basqa eldermen salystyrdy.

«Túrkııada jáne taǵy basqa elderde kóliktiń baǵasy bizdegi kórsetkishten sál joǵary nemese teń. Sondyqtan Qazaqstandaǵy kásiporyndardy jáne jumys oryndaryn saqtaý úshin bizge protektsıonızm jasaýymyz kerek dep oılaımyn», - dedi mınıstr.

Osyǵan deıin Májilis depýtaty Nartaı Sársenǵalıev ýtılalym baǵasyn tómendetýdi usynǵan edi.