Elimizde uryqtaǵy týa bitken júrek kemistiginiń 74 paıyzy bala týǵanǵa deıin anyqtalady
ASTANA. KAZINFORM – El tarıhynda alǵash ret prenataldyq dıagnostıkany engizýdiń arqasynda uryqtaǵy týa bitken júrek kemistiginiń (TJK) 74%-y bala týǵanǵa deıin anyqtalady. Bul jańa týǵan náresteniń ómiriniń alǵashqy kúnderinde hırýrgııalyq aralasýǵa, olarǵa odan ári tolyqqandy damýǵa múmkindik beredi.
Prenataldyq dıagnostıka nátıjelerin jaqsartý QR Densaýlyq saqtaý mınıstrliginiń qoldaýymen «University Medical Center» korporatıvtik qorynyń («UMC» KQ) respýblıkalyq oda kúzet ortalyǵy men júrek ortalyǵynyń úılesimdi jumysynyń arqasynda múmkin boldy.
Jańartylǵan ulttyq standarttar:
- Qazaqstannyń túkpir-túkpirinen dárigerlerdi daıarlaý
- Reseı men Eýropadan álemdik deńgeıdegi sarapshylardyń qatysýy
- Uryqtyń júregin qarap-tekserýdiń keńeıtilgen ýltradybystyq hattamasyn engizý.
Mınıstrliktiń málimetinshe, 2024 jyldan bastap QR Densaýlyq saqtaý mınıstrliginiń bastamasy sheńberinde elimizdiń 20 óńirinen uryq ehokardıografııasy boıynsha úılestirýshi dárigerlerdiń biliktiligin arttyrý baǵdarlamasy jumys isteıdi. Reseı Federatsııasy men Qazaqstannyń tanymal halyqaralyq sarapshylarynyń qatysýymen «UMC» KQ respýblıkalyq uryqty saqtaý ortalyǵynyń bazasynda «Uryq ehokardıografııasy mektebi» formatynda bes master-klass ótkizildi.
2025 jyldyń maýsym aıynyń ortasynda Astanada ótken II Halyqaralyq kongress prenataldyq dıagnostıka boıynsha jetekshi mamandardy jınady. Prenataldyq medıtsınany odan ári jetildirý boıynsha mańyzdy qarar qabyldandy.
- Birlesken kúsh-jigermen biz árbir balanyń júregin onyń alǵashqy soǵýyna deıin saqtaý maqsatyna jaqyndaımyz, - delingen habarlamada.
Aıta keteıik, Qaraǵandyda jańa týǵan sábıler «saýdasyna» qatysty is qaralyp jatyr.