Elimizde ulttyq táttiler baǵasy qansha
ASTANA. KAZINFORM – Merekede balalyq shaqtan bastap dastarhannan tabylatyn ulttyq táttilerge suranys arta tústi. Qazaqstanda táttiler baǵasy qansha ekenin Kazinform agenttiginiń tilshisi anyqtap bildi.
Elimizdiń qalalarynda ulttyq táttiler baǵasy ártúrli. Baǵany salystyrý kezinde jent, balqaımaq pen irimshik baǵasyn bildik.
Atyraý qalasynda jent baǵasy 1 500 – 4 000 teńge aralyǵynda. Al irimshiktiń kelisin 2 000 – 3 700 teńgege satyp alýǵa bolady. Al balqaımaqty 1 550 teńgege, keı jerlerde 3 500 – 5 000 teńgege satady. Sonymen birge qoraptaǵy kondıterlik jenttiń de túr-túri bar. Meıiz, shokolad men órik qosylǵany (25 dana) - 3 800 – 3 900 teńge. Tipti balqaımaq, jańǵaq qosylǵan jent toptamasyn 5 200 – 6 900 teńgege usynady.
Shymkent qalasynda úıde daıyndalǵan jenttiń kelisi – 1 700 – 3 500 teńge. Al oǵan jańǵaq qossa 3 000 – 4 500 teńge bolady. Eger shokoladpen kómkerip, ádemi qorapqa salsa 4 000 – 6 000 teńgege satady. Úıde jasalǵan balqaımaqty shamamen 5 000 – 8 000 teńgege satsa, sharýalar ony 7 000 – 10 000 teńgege usynady. Úıde ázirlengen irimshikti 2 000 – 3 500 teńgege baǵalasa, sharýalarda kelisi 3 000 – 4 500 teńge. Ulttyq táttilerdi kóbine Instagram áleýmettik jelisi arqyly satady. Úıden daıyndalǵan ónim baǵasy – 10 – 12 myń teńge.
Almatyda irimshik baǵasy – 3 800 teńge, jent – 1 500 – 4 000 teńge. Al balqaımaqty 2 100 – 8 000 teńgege satyp alýǵa bolady. Sonymen birge baǵasy joǵary ulttyq ónimder de bar. Máselen arnaıy qorapqa salynǵan shokoladty jent baǵasy 3 200 teńge.
Aqtaý qalasynda merekelik dastarhanǵa qoıylatyn jent kelisi 2 000 teńge, irimshik 1 800 – 2 000 teńge jáne balqaımaq 3 000 – 3 500 teńge.
Qaraǵandy qalasynda da baǵa osy shamalas. Jent kelisi 2 000 – 3 500 teńge, balqaımaq 2 500 teńge, al irimshik baǵasy 3 000 teńge jáne odan joǵary.
Qyzylordada jent kelisi 3 800 teńgege satylady. Balqaımaqtyń kelisi 1 900 teńge bolsa, jańǵaq qossa shamamen 2 500 teńge bolady. Al irimshiktiń kelisi – 1 700 teńge.
Aqtóbe qalasynda jenttiń qoraby 1 500 – 1 600 teńge bolsa, sýpermarkette 350 gramy 878 teńge. Demek kelisi 2 500 teńgege shyǵady. Balqaımaqtyń kelisi 5 000 – 6 000 teńge, al irimshikti 1 600 teńgege satyp alýǵa bolady. Úıde daıyndasa 5 000 – 6 000 teńge.
Oral qalasynda jent baǵasy orta eseppen 3 500 – 5 000 teńge. Munda da úıden daıyndasa baǵa joǵary, dúken ónimi arzan. Balqaımaq baǵasy shamamen 4 000 – 6 000 teńge. Balqaımaqqa qaımaq, bal men maı qosady. Al irimshik baǵasy – 2 200 – 3 500 teńge.
Túrkistan qalasynda jenttiń kelisin 3 900 – 4 000 teńgege satady. Balqaımaq baǵasy 2 500 teńge, al irimshik kelisi 3 000 teńge.
Al elimizdiń soltústiginde jenttiń kelisi 2 400 – 3 000 teńge, irimshiktiń kelisi 2 500 teńge. Petropavl dúkenderinen balqaımaqty tabý qıyn.
Al Jezqazǵan qalasynda jent baǵasy – 3 000 – 3 500 teńge, balqaımaq 3 000 teńge, irimshik baǵasy 3 500 teńge.
Taraz qalasynda turǵyndar salmaǵy 300 gramm bolatyn jentti 1 400 – 1 600 teńgege satady. Kelisi 4 700 – 5 300 teńge bolady. Qazirgi kezde kóbi jentti ózderi jasap alýǵa daǵdylanǵan. Ol úshin talqannyń kelisin myń teńgege satyp alyp, oǵan maı men qant qosady. Sóıtip baǵasy eki ese arzanǵa shyǵady. Іrimshik baǵasy bazarda 2 500 – 4 000 teńge, sýpermarkette shamamen 3 100 – 5 000 teńge. Balqaımaqty tabý qıyn. Іri saýda oryndary men bazardan tipti tappaımyz. Tek arnaıy tapsyrys berip alýǵa bolady.
Kókshetaý qalasyndaǵy sýpermarkette 350 gramm bolatyn jent baǵasy 1 620 teńge. Shamamen kelisi – 4 600 teńge. Sonymen birge jarty kelilik irimshikti 2 585 teńgege, kelisin shamamen 5 100 – 5 500 teńge satyp alýǵa bolady.
Qostanaı qalasyndaǵy dúkenderde salmaǵy 350 gramm bolatyn jent baǵasy shamamen 1 200 teńge (kelisi 3 430 teńge) bolady. Shokolad qosylǵan jent baǵasy joǵary. 250 gramy – 1 800 – 2 240 teńge. Bazar sóresinde úıde daıyndalǵan jenttiń kelisi 3 200 teńge. Al irimshiktiń kelisin 2 900 – 3 200 teńgege satyp jatyr. Túıe sútinen jasalatyn balqaımaqtyń baǵasy 8 500 – 9 000 teńge.
Elimizdiń astanasynda jent baǵasy shamamen 3 600 teńge, irimshik 2 400 – 3 700 teńge bolady. Salmaǵy 300 gramm bolatyn balqaımaqty qorapqa salyp 2 200 teńgege satady. Al kelisi 7 300 teńge bolady.
Qonaev qalasynda úıde daıyndalǵan jent kelisi 3 000 – 3 800 teńge. Al irimshiktiń kelisi – 2 000 – 3 000 teńge.
Semeı qalasynda irimshiktiń kelisin 2 600 teńgege satyp alýǵa bolady. Kóbinde kóterme baǵamen satady. Óndirýshiler men satý ornyna qaraı jent baǵasy shamamen – 2 100 teńge. Bul qalada da balqaımaq tabylmady.
Óskemen qalasynda jenttiń kelisin 2 000 – 2 500 teńgege, irimshikti 3 100 – 3 800 teńgege satady.
Pavlodar qalasynda balqaımaq satylmaıdy. Turǵyndardyń aıtýynsha, daıyndap, birden dastarhanǵa qoıady. Al jenttiń kelisi shamamen 3 3 00 – 3 500 teńge, irimshik 3 500 teńge.
Taldyqorǵanda salmaǵy 500 gramm bolatyn balqaımaqty 2 000 teńgege satady. Sonda kelisi 4 000 teńge bolady. Jent baǵasy 3 000 teńge, ala irimshik 3 500 teńge.
Kazinform buǵan deıin qymyz ben shubat baǵasyn jazdy.