Elimizde ulttyq standart jobalaryn jasandy ıntellekt saraptaıdy
ASTANA. KAZINFORM – Qazaqstanda ulttyq standart jobalaryn saraptaý úderisine jasandy ıntellektini qoldaný josparlanyp otyr.
Ortalyq kommýnıkatsııalar qyzmeti alańynda ótken baspasóz máslıhatynda ulttyq standartty ázirleý barysynda jasandy ıntellektini qoldaný máselesi qozǵaldy.
— Qazir ulttyq standart jobalarynyń saraptamasyn adam jasaıdy, ıaǵnı ol qolmen júrgiziledi. Biraq, biz jasandy ıntellektini engizgimiz keledi. Jasandy ıntellekt saraptama jasap, uqsas standarttardy, talaptardy anyqtaı alady. Bul qaıtalaý bolmaıdy degen sóz, - dedi Saýda jáne ıntegratsııa mınıstrligi Tehnıkalyq retteý jáne metrologııa komıtetiniń standarttaý jáne taýarlardyń shyǵý tegi basqarmasynyń basshysy Nurbek Qazbek.
Onyń aıtýynsha, is júzinde jańa standarttar qoldanystaǵy standarttardy qaıtalaıtyn jaǵdaı jıi kezdesedi.
- Jasandy ıntellektini engizý standarttar jobasyn qoldanystaǵy normatıvtermen avtomatty túrde salystyryp, taldaý protsesin jeńildetýge jáne jedeldetýge, sondaı-aq bolýy múmkin qatelikter yqtımaldyǵyn azaıtýǵa múmkindik beredi,- dep tolyqtyrdy mınıstrlik ókili.
Buǵan deıin habarlaǵanymyzdaı, 2026 jyldan bastap ulttyq standartty ázirleý merzimi qysqarady.