Elimizde úlestik turǵyn úı qurylysynyń «kóleńkeli» naryq úlesi 62,5% – QTK zertteýi
ASTANA. KAZINFORM – Qazaqstan Turǵyn úı Kompanııasy (QTK – «Báıterek» UBH» AQ-nyń enshiles uıymy) 2025 jylǵy úlestik turǵyn úı qurylysy salasyndaǵy kóleńkeli naryqtyń úlesine qatysty jyl saıynǵy zertteý nátıjesin jarııalady.
Kompanııanyń málimetinshe, zertteý elimizdiń 19 iri qalasy men 606 salynyp jatqan turǵyn úı nysanyn, onyń ishinde 3 qabatqa deıingi az qabatty qurylystardy qamtydy. Saraptama tanymal aqparattyq resýrstardaǵy jarnamalyq habarlandyrýlar men «Qazrestr» júıesiniń derekteri negizinde júrgizilgen.
2025 jylǵy tamyzdaǵy jaǵdaı boıynsha, úlestik qurylys naryǵynda kóleńkeli sektordyń úlesi 62,5%-dy qurady. Bul kórsetkish, salynyp jatqan 606 turǵyn úı nysanynyń tek 227-si nemese 37,5%-y ǵana jergilikti atqarýshy organnyń (JAO) ruqsatyn nemese QTK kepildigin alǵanyn kórsetedi. Qalǵan 379 joba zańnama talaptaryn oryndamaǵan.
|
№ |
Qala |
Obektilerdiń jalpy sany |
Zańdy naryq |
«Kóleńkeli» naryq |
2025 j. «kóleńkeli» naryqtyń úlesi |
2024 j. «kóleńkeli» naryqtyń úlesi |
|
1 |
Aqtaý |
25 |
0 |
25 |
100,0% |
98,2% |
|
2 |
Besaǵash |
9 |
0 |
9 |
100,0% |
100,0% |
|
3 |
Kókshetaý |
9 |
0 |
9 |
100,0% |
91,7% |
|
4 |
Qonaev |
8 |
0 |
8 |
100,0% |
80,0% |
|
5 |
Petropavl |
6 |
0 |
6 |
100,0% |
100,0% |
|
6 |
Taraz |
5 |
0 |
5 |
100,0% |
100,0% |
|
7 |
Semeı |
3 |
0 |
3 |
100,0% |
100,0% |
|
8 |
Oral |
3 |
0 |
3 |
100,0% |
91,7% |
|
9 |
Túrkistan |
2 |
0 |
2 |
100,0% |
100,0% |
|
10 |
Pavlodar |
2 |
0 |
2 |
100,0% |
66,7% |
|
11 |
Qyzylorda |
1 |
0 |
1 |
100,0% |
100,0% |
|
12 |
Qaraǵandy |
24 |
1 |
23 |
95,8% |
100,0% |
|
13 |
Aqtobe |
17 |
1 |
16 |
88,2% |
96,0% |
|
14 |
Almaty |
168 |
59 |
109 |
64,9% |
68,5% |
|
15 |
Qostanaı |
20 |
7 |
13 |
65,0% |
56,3% |
|
16 |
Óskemen |
14 |
5 |
9 |
64,3% |
78,9% |
|
17 |
Astana |
203 |
101 |
102 |
50,2% |
49,2% |
|
18 |
Atyraý |
22 |
12 |
10 |
45,5% |
70,8% |
|
19 |
Shymkent |
65 |
41 |
24 |
36,9% |
61,2% |
|
QR boıynsha jalpy sany: |
606 |
227 |
379 |
62,5% |
69,6% |
|
Salystyrý úshin: 2024 jyly kóleńkeli naryq úlesi 69,6% bolǵan. Osylaısha, bir jyl ishinde bul kórsetkish 7,1%-ǵa tómendedi. Atap aıtqanda «Zańdy» obektiler sany 15,8%-ǵa ósti (227 nysan – 2025 j., 196 nysan – 2024 j.), «Kóleńkeli» obektiler sany 15,4%-ǵa azaıdy (379 – 2025 j., 448 – 2024 j.), Jalpy jarnamalanǵan salynyp jatqan nysandar sany 5,9%-ǵa kemidi (606 – 2025 j., 644 – 2024 j.).
Eń joǵary kóleńkeli úles (100%) kelesi qalalar men eldi mekenderde tirkeldi: Aqtaý, Kókshetaý, Qonaev, Petropavl, Taraz, Semeı, Túrkistan, Oral, Pavlodar, Qyzylorda jáne Almaty oblysyndaǵy Besaǵash aýyly. Bul óńirlerdegi salynyp jatqan turǵyn úı keshenderi úleskerler qarajatyn tartýǵa qajetti ruqsatsyz jarnamalanǵan.
Kóleńkeli naryqtyń eń tómen kórsetkishi Shymkent (36,9%), Atyraý (45,5%) jáne Astana (50,2%) qalalarynda baıqaldy.
QTK basqarma tóraǵasy Altaı Kúzdibaevtyń aıtýynsha, naryqtaǵy oń ózgeristerge qaramastan, zańsyz úlestik qurylys faktileri áli de keń taralǵan.
– Úleskerlerdiń qarajatyn tartýǵa JAO ruqsaty nemese QTK kepildigi joq jobalardy jarnamalaýǵa tyıym salý, satyp alý kezinde tek qolma-qol aqshasyz tólemge kóshý, zań buzǵandarǵa aıyppul mólsherin arttyrý – úlestik qurylys naryǵyn tazartýǵa baǵyttalǵan qajetti sharalar, - dedi ol.
Qazirgi tańda QTK atalǵan naryqqa turaqty monıtorıng júrgizip, úleskerlerdiń quqyqtaryn qorǵaý jáne ashyq ári zańdy qurylys naryǵyn qalyptastyrý baǵytynda jumystardy jalǵastyryp keledi.
– Buǵan deıin, 2024 jylǵy zertteý kezinde kóleńkeli naryq úlesi 66,6% dep kórsetilgen bolatyn. Alaıda, bul esepke az qabatty (3 qabatqa deıingi) turǵyn úı obektileri engizilmegen. 2025 jylǵy qyrkúıekten bastap zańnamaǵa engizilgen ózgeristerge sáıkes, endi mundaı qurylys túrine de JAO ruqsaty nemese QTK kepildigi talap etiledi. Sondyqtan bıylǵy zertteý bul obektilerdi de qamtyp otyr, - delingen habarlamada.
Eske sala keteıik, elimizde qurylys kompanııalarynyń «Qazaqstan turǵyn úı kompanııasy» AQ kepildigin alýy úshin qoıylatyn talaptar jeńildetilgenin jazǵanbyz.
Sonymen qatar QR ÓQM Qurylys jáne turǵyn úı kommýnaldyq sharýashylyq isteri komıteti tóraǵasy Baqytjan Júnisbekov jańa zańǵa saı turǵyn úı qurylysyna zańsyz úlesker tartý jáne jarnama jasaý áreketine qandaı jaza taǵaıyndalatynyn aıtqan bolatyn.