Elimizde turǵyn úıdi paıdalanýǵa berý boıynsha kósh bastap turǵan óńirler ataldy
ASTANA. KAZINFORM — Osy jyldyń alǵashqy alty aıynda elimizde 8,5 mln sharshy metr turǵyn úı paıdalanýǵa berilgen.
Bul týraly Úkimet otyrysynda QR Ónerkásip jáne qurylys mınıstri Ersaıyn Naǵaspaev málimdedi.
— Ótken jyly osy ýaqytta tek 7,9 mıllıon sharshy metr úı paıdalanýǵa berilgen edi. Al osy jyly kólem 6,7 paıyzǵa joǵary, — dedi ol.
Turǵyn úıdi paıdalanýǵa berý kólemi barlyq óńirde artqan. Ásirese, eń joǵary ósim Jetisý jáne Almaty oblystarynda tirkelipti.
Aıta keteıik, osy jyly elimizde «7-20-25» bańdarlamasy aıasynda 85 myńnan astam azamat baspanaly boldy.
