Elimizde turǵyn úı kómegin esepteýdiń jańa tártibi ázirlendi

ASTANA. KAZINFORM — «Turǵyn úı kómegi qaǵıdalaryn bekitý týraly» Ónerkásip jáne qurylys mınıstriniń 2023 jylǵy 8 jeltoqsandaǵy № 117 buıryǵyna ózgerister men tolyqtyrýlar engizildi.

— Turǵyn úı kómegi kondomınıým obektisin basqarýǵa jáne kondomınıým obektisiniń ortaq múlkin kútip-ustaýǵa, onyń ishinde kondomınıým obektisiniń ortaq múlkin kúrdeli jóndeýge jumsalatyn shyǵyndy, kommýnaldyq qyzmeti jáne telekommýnıkatsııa jelisine qosylǵan telefon úshin abonenttik tólemaqynyń ósýi bóliginde baılanys qyzmetin tutynýǵa, memlekettik turǵyn úı qorynan berilgen turǵynjaıdy jáne jeke turǵyn úı qorynan jergilikti atqarýshy organ jaldaǵan turǵynjaıdy paıdalanǵany úshin shyǵystardy tóleý somasy men kórsetiletin qyzmetti alýshylardyń osy maqsatqa jumsaıtyn shyǵynnyń jergilikti ókildi organdar 5-ten 10 paıyzǵa deıin belgilegen shekti jol beriletin deńgeıiniń arasyndaǵy aıyrma retinde aıqyndalady, — delingen qujatta.

Turǵyn úı kómeginiń mólsherin kelesi normalar sheginde esepteıdi:

1) tutynýshylar úshin gazben jabdyqtaý jónindegi kommýnaldyq qyzmetti tutyný normalary 1 adamǵa 15 tekshe metrden aspaıdy;

2) tabıǵı monopolııalar salasyndaǵy qyzmetti retteıtin óńirlik ýákiletti organ belgilegen normalarǵa sáıkes tutynýshy úshin elektrmen jabdyqtaý qyzmetin tutyný normalary;

3) tutynýshy úshin sýmen jabdyqtaý jáne sý burý qyzmetiniń normalary:

1 adamǵa 4 tekshe metrden aspaıtyn sýyq sý;

1 adamǵa 2 tekshe metrden aspaıtyn ystyq sý;

4) tutynýshylarǵa arnalǵan jylýmen jabdyqtaý qyzmetin tutyný normalary 1 adamǵa aıyna nól bútin jıyrma 5 myń gıgakalorııadan aspaıdy;

5) qatty turmystyq qaldyqtardy jınaý jáne áketý (qoqys shyǵarý) 1 adamǵa 650 teńgeden aspaıdy;

6) lıftterge qyzmet kórsetý bir páterge 1300 teńgeden aspaıdy;

7) telekommýnıkatsııa jelisine qosylǵan telefon úshin abonenttik tólemdi ulǵaıtý bóliginde baılanys qyzmetteri 1 abonent úshin 1399 teńgeden aspaıdy;

8) kondomınıým obektisin basqarýǵa jáne kondomınıým obektisiniń ortaq múlkin kútip-ustaýǵa, onyń ishinde kondomınıým obektisiniń ortaq múlkin kúrdeli jóndeýge 1 sharshy metr úshin 60 teńgeden aspaıtyn shyǵystar;

9) memlekettik turǵyn úı qorynan turǵyn úıdi paıdalanǵany úshin jaldaý aqysy 1 sharshy metr úshin 120 teńgeden aspaıdy;

10) bir adamǵa arnalǵan sharshy normasy 1 adamǵa 18 sharshy metr paıdaly alań, biraq jalǵyz turatyn adam úshin naqty alynatyn alań 30 sharshy metrden aspaıdy.

Buıryq 2025 jylǵy 11 tamyzda kúshine enedi.