Elimizde turaqty turyp jatqan qansha sheteldik bar
ASTANA. KAZINFORM – Bıyl elimizge 3 mln-ǵa jýyq sheteldik kelýi yqtımal. Bul týraly Іshki ister mınıstrligi Kóshi-qon qyzmeti komıtetiniń tóraǵasy Aslan Atalyqov aıtty.

- Sońǵy jyldary elge kelýshi sheteldikterdiń sany artýda. Byltyr elimizge 15 mln-nan astam sheteldik kirip-shyqty. Bul ótken jylmen salystyrǵanda 1 mln-ǵa artyq. Bıyl Qazaqstanǵa 2 mln 800 myń sheteldiktiń kirýi belgilendi. Kelýshilerdiń 40 paıyzyn ózbekstandyqtar quraıdy. Ekinshi orynda - Qyrǵyzstan azamattary, odan keıin - Reseı azamattary, - dedi ol Ortalyq kommnıkatsııalar qyzmetindegi brıfıngte.
Onyń atap ótýinshe, elimizge kelgen sheteldikterdiń barlyǵy qalmaıdy. Kóbi qaıta shyǵady nemese tranzıtpen ótedi.
- Turaqty turyp jatqan sheteldikterdiń sany 200 myńǵa jýyq, olardyń 50 myńy – qandastarymyz, 87 myńy - Reseı azamattary, 49 myńy - Ózbekstan jáne 11 myńy - Qyrǵyzstan azamattary. Kópshiligi Astana men Almaty qalarynda jáne Almaty men Qaraǵandy oblystarynda turyp jatyr, - dedi Aslan Atalyqov.
Buǵan deıin Qazaqstanǵa shetelden bilimdi adamdar jıi qonys aýdara bastaǵanyn jazǵan edik.