Elimizde egizder men úshemder kóbine qaı óńirde dúnıege keledi
ASTANA. KAZINFORM – 2026 jyldyń qańtar-sáýir aılarynda elimizde 1926 egiz jáne 54 úshem tirkeldi. Bul kezeńde tórtemder tirkelmegen.
Ulttyq statıstıka bıýrosy málimetinshe, egizder sany boıynsha Túrkistan oblysy kósh bastady - 263 jaǵdaı. Odan keıin Almaty qalasy (245) jáne Almaty oblysy (175).
Úshemder boıynsha Túrkistan oblysy, Atyraý oblysy jáne Shymkent qalasy alda – ár óńirde 3 úshemnen tirkelgen, tıisinshe 9 náreste dúnıege kelgen.
2026 jylǵy qańtar–sáýir aılarynda dúnıege kelgen balalardyń jalpy sany 99,4 myńǵa jetti.
Týý kórsetkishiniń eń joǵary deńgeıi Túrkistan oblysynda (1000 turǵynǵa shaqqanda 19,75), Shymkent qalasynda (19,39) jáne Mańǵystaý oblysynda (19,28) tirkeldi.
Qyzylorda oblysynda 2026 jyldyń alǵashqy úshemi dúnıege kelgenin jazǵan edik.
Túrkistan oblysynyń 28 jastaǵy turǵyny úshem dúnıege ákelip, kópbalaly ana atandy.
