Elimizde tehnıkalyq jáne kásiptik bilim berý byltyr 145 myń orynǵa deıin ulǵaıtyldy
ASTANA. KAZINFORM – Álemdik ekonomıka adam eńbeginiń sıpatyn túbegeıli ózgertýge bet burǵan kezeńde kásiptik jáne tehnıkalyq bilim berý júıesi joǵary tehnologııalyq ekonomıkanyń negizgi tiregine aınaldy. Qazaqstan tehnıkalyq jáne kásiptik bilim berý (TjKB) salasyn damytý úshin júıeli jáne aýqymdy reformalardy júzege asyryp jatyr.
2025 jyly Jumysshy mamandyqtary jyly aıasynda kolledjderge arnalǵan memlekettik bilim berý tapsyrysy 145 myń orynǵa deıin ulǵaıtyldy. Onyń 70%-y tehnıkalyq jáne tehnologııalyq baǵyttarǵa bólindi. Bul el ekonomıkasynyń naqty sektoryna qajetti kadrlardy daıarlaýǵa jasalǵan naqty qadam.
Jumys berýshilermen birlesip 11 myńnan astam bilim berý baǵdarlamasy ázirlendi. Olar kásibı standarttar men WorldSkills talaptaryna negizdelgen, bul qazaqstandyq stýdentterdiń quzyretterin halyqaralyq deńgeıge jetkizedi.
Ótken jyly Qazaqstannyń ulttyq quramasy Danııada ótken EuroSkills Herning 2025 chempıonatynda 7 «Úzdik medalon» ıelendi. Bul - tehnıkalyq bilim sapasynyń halyqaralyq deńgeıde moıyndalǵanynyń dáleli.
Aqparattyq tehnologııalar salasyndaǵy mamandyqtar boıynsha onlaın-oqytý zańnamalyq túrde engizildi. Baǵdarlamalaý, kıberqaýipsizdik, derekterdi taldaý, jasandy ıntellekt negizderi sııaqty baǵyttar kolledjderde keńinen oqytylady. Nátıjesinde túlekter eńbek naryǵyna tez beıimdeletin, básekege qabiletti maman bolyp shyǵady.
Qazirgi tańda 43 myńǵa jýyq stýdent kásiporyndardyń nysanaly memlekettik tapsyrysy aıasynda bilim alýda. Olardyń 8 myńǵa jýyǵy oqýyn aıaqtap, turaqty jumysqa ornalasty.
Eske salsaq, budan buryn qazaqstandyq kolledj halyqaralyq standarttarǵa sáıkestigin rastaǵanyn jazǵanbyz.