Qazaqstandaǵy teatrlardyń 79,7%-y memleket menshiginde

ASTANA. KAZINFORM — Qyrkúıek aıynda Qazaqstanda jańa teatr maýsymy ashylady, dep habarlaıdy Ulttyq statıstıka bıýrosy.

Vedomstvo málimetinshe, elimizde 74 teatr jumys isteıdi, olardyń basym bóligi (79,7%) memleket menshiginde.

Teatr alańdarynyń sany boıynsha Almaty qalasy kósh bastap tur, onda 22 teatr jumys isteıdi.

Astanada — 10, Shymkentte 6 teatr bar.

Teatrlardyń negizi úlesi drama teatrlary — 40.

Sonymen qatar 11 qýyrshaq teatry, 4 mýzykalyq jáne dál sonsha opera jáne balet teatry, basqa da janrdaǵy sahna alańdary jumys isteıdi.

— 2024 jyly spektaklderdi 3 mln adam tamashalaǵan, bul bir jyl burynǵydan 3% artyq. Bir jylda barlyǵy 2 553 qoıylym sahnalanǵan, olardyń da sany 2023 jylmen salystyrǵanda 14% ósken, — delingen bıýro taratqan aqparatta.

Osyǵan deıin etnıkalyq qazaq Ózbekstandaǵy biregeı teatrdyń dırektory bolyp taǵaıyndalǵanyn jazǵan edik.