Elimizde Tasqyn sý boljaý júıesi qoldanysqa berildi

ASTANA. KAZINFORM - Elimizde Tasqyn sý tasqynyn boljaý jáne modeldeý júıesi óndiristik qoldanysqa berildi. Sý resýrstary jáne ırrıgatsııa mınıstri Nurjan Nurjigitov sý tasqyny kezeńine daıyndyq máseleleri boıynsha apparat keńesin ótkizdi.

Нұржан Нқржігітов
Фото: ҚР Су ресурстары министрлігі

Mınıstrliktiń baspasóz qyzmetiniń habarlaýynsha, búgingi tańda ózenderdiń 128 ýchaskesindegi 142 sý beketi boıynsha sý tasqynyn modeldeý júrgiziledi. «Qazsýshar» fılıaldary men basseındik ınspektsııalardyń 114 mamany sý beketteri boıynsha derekterge kúndelikti taldaý jasaıdy jáne ony júıege engizedi.

Tasqyn júıesi jahandyq GloFAS sý tasqyny jóninde eskertý júıesine biriktirilgen. Tasqyn 2025 jyldyń sý tasqyny kezeńine sońǵy boljamdy naýryz aıynyń basynda beredi.

«Sý tasqynyna el ishindegi daıyndyqtan bólek, biz kórshi memleketterdegi áriptesterimizben de turaqty baılanystamyz. Aqparat almasý jedel júredi. Kóktemgi sý tasqynyn qabyldaýǵa qoımalarda bos oryn daıyndaý úshin sý tastaý jumysy jalǵasyp jatyr. Búgingi tańda elimizdiń sý qoımalary 13 mlrd tekshe metr sý qabyldaı alady», - dedi Sý resýrstary jáne ırrıgatsııa mınıstri Nurjan Nurjigitov.

Osyǵan deıin bıyl jergilikti ekojúıeni saqtaý úshin 2,5 mlrd tekshe metr sý jiberiletini týraly habarladyq.

 

Сейчас читают