Elimizde tasqyn sý qaıda jiberilip jatyr
ASTANA. KAZINFORM – Sý resýrstary jáne ırrıgatsııa mınıstrligi óńirlerdegi tasqyn sýdyń qalaı ıgerilip jatqanyn málimdedi.
«Qazsýshar» mekemesiniń Atyraý oblysy boıynsha fılıaly Jaıyq ózeni arqyly keletin tasqyn sýdy Kaspıı teńizine baǵyttaý úshin qosymsha 14,5 shaqyrym kanal qazyp jatyr. Bul Atyraý qalasy arqyly ótetin sý kólemin azaıtýǵa múmkindik beredi. Batys Qazaqstan oblysy boıynsha «Qazsýshar» fılıaly Jaıyq-Kóshim sýarý júıesinen Qamys-Samar kólderine aǵyn sýdy jibere bastady. Aıta ketý kerek, bul kólderge sońǵy 20 jylda sý barmaǵan», - dedi mınıstrliktiń resmı ókili Móldir Ábdýalıeva Ortalyq kommýnıkatsııalar qyzmeti alańynda ótken baspasóz máslıhatynda.
Resmı ókildiń málimdeýinshe, 2000 jyldan beri alǵash ret Tobyl ózenine (Qostanaı oblysy) sýdyń kóp kelgeni baıqaldy. Ózen 92%-ǵa tolǵan, bul osyǵan deıingi jyldarmen salystyrǵanda áldeqaıda artyq. Osy oraıda sý qoımalary uzaq ýaqyt boıy aımaq turǵyndaryn qajetti mólsherde sýmen qamtamasyz etpek.
«Astana sý qoımasy elorda turǵyndaryn aýyzsýmen qamtýǵa múmkindik beredi. Byltyr qoımadaǵy sý kólemi jetispedi, osyǵan baılanysty Sátbaev kanalynan qosymsha sý jiberildi. Bul jumys qymbatqa tústi (2 mlrd teńge). Aqmola oblysyndaǵy «Alva» jáne «Keńbıdaıyq» sýarý júıeleri 100%-ǵa toldy. Sondaı-aq, Tselınograd aýdanynyń Qozykósh, Muqyr jáne Qarasý ózenderiniń arnasy da toldy. Qorǵaljyn qoryǵynyń Teńiz kóline 1,5 mlrd tekshe metr sý jiberildi», - deıdi ol.
Sonymen qatar Móldir Abdýalıeva taǵy birneshe oblystaǵy sý tasqyny jaǵdaıyna jeke toqtaldy.
Batys Qazaqstan oblysy
Jaıyq ózeninen shamamen 1 tekshe shaqyrym aǵyn sýdy Jaıyq-Kóshim sýarý júıesine jiberýdiń múmkindigi týdy.
Qaraǵandy oblysy
Óńirdegi sý qoımalary 100% tolǵan. Jınalǵan sý jyl boıy aımaq ekonomıkasynyń qajettilikterin tolyq qanaǵattandyrýǵa múmkindik beredi.
Ulytaý oblysy
Keńgir sý qoımasynan alǵash ret Sarysý ózeni arqyly Qyzylorda oblysynyń kólderine sý jiberildi. Qyzylorda oblysynyń Telikól kólder júıesinde sýdyń joǵarylaýy baıqalady, bul óńirdiń aýyl sharýashylyǵyna qolaıly áser etýi tıis.
Almaty oblysy
Qapshaǵaı sý qoımasyna transshekaralyq Іle ózeninen kelgen sý aǵyny Balqash kóline shamamen 2,3 tekshe shaqyrym kóleminde ekologııa úshin sý jiberýdi qamtamasyz etti.
Jambyl oblysy
Tasótkel sý qoımasynan Shý ózenine ekologııa úshin sý jiberildi. Bul sý sáýirdiń basynda Túrkistan oblysy Sozaq aýdanyna jetti. Tasótkel sý qoımasynan sý jiberý jumystary 1 mamyrǵa deıin jalǵasady. Osy ýaqyt ishinde Shý ózeni arqyly Sozaq aýdanyna shamamen 1 mln tekshe metr sý jiberilýi tıis.
Pavlodar oblysy
10 sáýirden bastap Ertis ózeniniń sý qoımalarynan tabıǵatty qorǵaý is-sharalaryna sý jiberile bastady. Bul Pavlodar oblysynyń aýyl sharýashylyǵyna qajetti jemshóp bazasymen qamtamasyz etýge múmkindik beredi. Sý qoımalarynan jalpy kólemi 6,3 mlrd tekshe metr sý jiberý josparlanyp otyr.
