Elimizde tarıhı-mádenı murany saqtaý salasynda qandaı jumys atqarylyp jatyr
ASTANA. KAZINFORM — Bıyl el úshin tarıhı-mádenı murany saqtaý salasynda aýqymdy ózgerister jyly boldy, dep habarlaıdy Mádenıet jáne aqparat mınıstrliginiń baspasóz qyzmeti.
Qazaqstan ıÝNESKO-nyń materıaldyq emes mádenı murasynyń reprezentatıvtik tizimine «Salbýryn», «Alpamys batyr jyry», «Keste-sıýzanne», «Dástúrli kıiz basý», «Taqııa» nomınatsııalaryn usyndy.
2025 jyly ıÝNESKO Búkilálemdik mura ortalyǵyna Qazaqstan tarapynan eki nomınatsııa boıynsha qujattar joldandy. Olar — «Mańǵystaýdaǵy jerasty meshitteri» jáne «Uly Jibek joly: Ferǵana-Syrdarııa dálizi» transulttyq jobasy.
Túrkistan qalasynda «Zaman men mádenıet dıalogyndaǵy ıAsaýı murasy» atty halyqaralyq sımpozıým ótti. Oǵan 15 elden júzge jýyq ǵalym qatysty. Memleket basshysynyń bastamasymen uıymdastyrylǵan forým qala mártebesin Túrki áleminiń ǵylymı ortalyǵy retinde nyǵaıtty.
Sonymen qatar, Qoja Ahmet ıAsaýı kesenesin ǵylymı qalpyna keltirý jumystary júrgizilip jatyr, bul sáýlet ónerin jańartýǵa jáne keseneni álemdik mura retinde saqtaýǵa múmkindik beredi. Qazaqstanda alǵash ret Qarahan, Aısha bıbi, Arystanbab, Qoja Ahmet ıAssaýı kesenelerine, sondaı-aq kóne Otyrar qalashyǵynda zamanaýı tsıfrlyq júıelerdi ornatý jumystary jasalyp jatyr. Tsıfrlandyrý aıasynda elektrondy bılet satý júıeleri, ózdiginen qyzmet kórsetý termınaldary, týrnıketter, jasandy ıntellektpen jabdyqtalǵan beınekameralar jáne basqa da zamanaýı quraldar ornatylady.
Mańyzdy jetistikterdiń biri — «E-museum» portaly. Joba elimizdegi 285 mýzeı qoryn biriktirip, 66 myńnan astam eksponatty qoljetimdi etýge múmkindik beredi. Portalda úsh ólshemdi modelder men vırtýaldy týrlar bar. Sonymen qatar, bastama tarıhı murany saqtaý men ony halyqaralyq mádenı keńistikte keńinen tanytýdy maqsat etedi.
— Jyldyń taǵy bir mańyzdy jobasy — «E-kıno» júıesi, ol kınoteatrlardaǵy kórsetilimdi birtutas tsıfrlyq esepke alady. Platformaǵa 68 kınoteatr qosylǵan. Júıe arqyly 20 310 bılet satyldy. Joba naryqtaǵy ashyqtyqty arttyryp, ulttyq kıno jumysyn taldaýǵa múmkindik beredi. Mádenıet uıymdary da elektrondy bıletterdi, ózdiginen qyzmet kórsetý termınaldaryn jáne zamanaýı baqylaý júıelerin engizip jatyr. Bul ózgerister qyzmet kórsetý sapasyn arttyryp, kelýshiler statıstıkasyn esepteýge múmkindik beredi, — delingen habarlamada.
Budan buryn Memleket basshysy «Qazaqstan Respýblıkasynyń keıbir zańnamalyq aktilerine tarıhı-mádenı mura obektilerin qorǵaý jáne bilim berý-saýyqtyrý qyzmetteri máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıǵanyn jazǵanbyz.
Erlan Qarın mádenı muraǵa qatysty jańa zańnamalyq túzetýler arheologııa salasyn júıeleýge baǵyttalǵanyn aıtty.