Elimizde tamyzdaǵy UBT bastaldy
ASTANA. KAZINFORM — Búgin elimizde tamyzdaǵy UBT bastaldy, ol 14 tamyzǵa deıin jalǵasady. Testileýge qatysý úshin 30 myńnan astam ótinish qabyldandy.
Ǵylym jáne joǵary bilim mınıstrliginiń málimetinshe, UBT-ǵa qatysýshylardyń 65%-y qazaq tilinde, 35%-y orys tilinde, 100 adam aǵylshyn tilinde test tapsyrýǵa nıet bildirdi.
Birinshi kúni 6,7 myńnan astam adam UBT tapsyrady.
Aıta keteıik, tamyz aıyndaǵy UBT-ǵa bıylǵy jáne ótken jyldardaǵy mektep pen kolledj túlekteri, qandastar (Qazaqstan Respýblıkasynyń azamattary bolyp tabylmaıtyn qazaq ultynyń ókilderi), shetelde orta bilim alǵan túlekter, shyǵarmashylyq bilim berý baǵdarlamalarynan basqa daıarlaý baǵyttaryna aýysqysy keletin stýdentter, basqa bilim berý baǵdarlamalarynan pedagogıkalyq baǵyttarǵa aýysqysy keletin stýdentter, sondaı-aq sondaı-aq aldyńǵy oqý jylynda shekti ball jınamaǵan jáne aqyly negizde joǵary oqý oryndaryna qabyldanǵan tulǵalar qatysady.
Sonymen qatar óz mamandyǵy boıynsha joǵary oqý ornynda aqyly negizde bilimin jalǵastyrýdy josparlaǵan kolledj túlekteri áńgimelesý nátıjeleri boıynsha oqýǵa túse alady.
Bul jaǵdaıda qabyldaýdy joǵary oqý oryndarynyń qabyldaý komıssııalary júzege asyrady.
Eske salaıyq, buǵan deıin Qazaqstanda negzgi UBT aıaqtalǵanyn habarlaǵanbyz. Talapkerlerdiń 76%-y shekti ball jınap, granttar konkýrsyna qatysý quqyǵyna ıe bolǵan edi.
7 tamyzda bilim granty ıegerleriniń tizimi shyqty.
