Elimizde taǵy da áıeldi soqqyǵa jyǵý sáti vıdeoǵa túsip qaldy
ASTANA. KAZINFORM – Buzaqy qamaýǵa alyndy, qazir tergeý júrip jatyr.
Áleýmettik jelide kóshede beımálim er adamnyń kóliktiń janynda áıeldi soqqylap jatqan vıdeo tarady.
Vıdeodan erkektiń áıeldi shashynan súırep kólikke qınap mingizbek bolǵan sátin baıqaýǵa bolady. Bolmaǵan soń áıeldi uryp-soǵyp, kólikke minip ketip qalady.
Keıin anyqtalǵandaı, oqıǵa Taraz qalasynda bolǵan.
«Atalǵan fakti boıynsha 2024 jylǵy 13 mamyrda Qazaqstan Respýblıkasy Qylmystyq kodeksiniń 293-baby 1-bóligi (buzaqylyq) boıynsha sotqa deıingi tergeý bastaldy. Kúdikti ustalyp, ýaqytsha ustaý ızolıatoryna qamaldy. Tıisti saraptamalar taǵaıyndalyp, tergeý amaldary júrgizilip jatyr», - dep habarlady Jambyl oblystyq polıtsııa departamentiniń baspasóz qyzmeti.
Birer kún buryn Almatyda áıeldi soqqyǵa jyqqan er adam qamaýǵa alynǵanyn habarlaǵan edik.
Odan bólek, jaqynda Astanada dúkenge túsip, kúzetshi áıeldi urǵan ury ustaldy.
