Elimizde taǵy 6 jas ǵalym páter sertıfıkattaryna ıe boldy
ASTANA. KAZINFROM — Búgin Otan qorǵaýshylar kúni qarsańynda QR Ǵylym jáne joǵary bilim mınıstri Saıasat Nurbek Memleket basshysynyń tapsyrmasy boıynsha 6 jas ǵalymǵa páter sertıfıkattaryn saltanatty túrde tabystady.
Prezıdenttiń 2024 jylǵy 31 mamyrda Ǵylym ordasynda jas ǵalymdarmen kezdesýinde bergen tapsyrmasyn oryndaý maqsatynda ǵalymdardyń áleýmettik mártebesin kóterý jáne qoldaý kórsetý, sondaı-aq ǵylymǵa jas kadrlardyń kelýin yntalandyrý úshin Ǵylymı uıymdar men joǵary jáne joǵary oqý ornynan keıingi bilim berý uıymdarynyń jas ǵalymdary úshin páterlerdi bólý jónindegi komıssııa Astana jáne Almaty qalalarynda baspana berý úshin jas ǵalymdardyń tizimin júıeli túrde anyqtaıdy.
QR Ǵylym jáne joǵary bilim mınıstrligi bul jumysty kezeń-kezeńimen júrgizetin bolady. Jas ǵalymdar sanynyń artýy ǵylymı jáne ǵylymı-tehnıkalyq qyzmettiń damýyna oń áser etedi.
Sonymen qatar 2023 jylǵy 19 qazanda QR Ǵylym jáne joǵary bilim mınıstrligi men «Otbasy bank» AQ arasynda jas ǵalymdarǵa 2023-2027 jyldarǵa arnalǵan jeńildetilgen nesıe berý baǵdarlamasy boıynsha yntymaqtastyq týraly kelisimge qol qoıdy.
Osyǵan deıin Prezıdent agrarlyq sala ǵalymdaryn marapattap, baspana kiltin tabystaǵanyn jazdyq.
