Elimizde sýtegi energetıkasyn damytýdyń 2030 jylǵa deıingi tujyrymdamasy bekitildi
ASTANA. KAZINFORM – 2024 jylǵy 27 qyrkúıekte Qazaqstan Respýblıkasy Energetıka mınıstriniń № 342 buıryǵymen elde sýtegi energetıkasyn damytýdyń 2030 jylǵa deıingi tujyrymdamasy bekitildi.
Atalǵan qujat elimizdegi sýtegi energetıkasy sektoryn damytý úshin negizgi baǵdar bolady jáne jahandyq ekologııalyq máselelerdi sheshýge eleýli úles qosady.
Tujyrymdamaǵa ulttyq kómirtegi beıtaraptyǵy maqsatyna qol jetkizý jáne parnıktik gazdar shyǵaryndylaryn qysqartý jónindegi halyqaralyq mindettemelerdi oryndaý sııaqty mańyzdy baǵyttar kiredi. Negizgi nazar sýtegi tehnologııalaryn damytýǵa jáne osy saladaǵy pılottyq jobalardy iske asyrý úshin ınvestıtsııalar tartýǵa aýdarylady. Tujyrymdamada kózdelgen pılottyq jobalar ozyq tehnologııalardy engizýge jáne eldiń energetıka sektorynda jańa múmkindikter jasaýǵa yqpal etedi.
Tujyrymdamany sátti júzege asyrý Qazaqstaǵa álemdik energetıka arenada óz pozıtsııalaryn nyǵaıtýǵa múmkindik beredi jáne kómirtekti beıtaraptyqqa jetý jolyndaǵy mańyzdy qadam bolady dep kútilýde.
Sýtegi energetıkasyn damytý Qazaqstannyń jasyl ekonomıkaǵa kóshý jáne turaqty damý strategııasynyń mańyzdy elementi sanalady.
Tujyrymdama jobasymen myna silteme boıynsha tanysýǵa bolady.
