Stýdentter jataqhanalaryndaǵy oryn tapshylyǵy 82 myńnan 5,2 myńǵa deıin azaıdy

Birneshe jyl buryn jataqhanada orynnyń jetispeýshiligi stýdenttik ınfraqurylymnyń eń ózekti problemalarynyń biri boldy. Jeti jyl ishinde 66 myńnan astam jańa oryn qurylyp, tapshylyq 76 myńnan astam orynǵa qysqardy.

-Stýdent úshin jataqhanadan orynnyń bolýy bilimniń qoljetimdiligimen tikeleı baılanysty. Bilim grantyn alýdyń ózi, eger otbasy basqa qalada turýǵa aıtarlyqtaı shyǵyn jumsaýǵa májbúr bolsa, máseleni tolyq sheshpeıdi. Sondyqtan jańa jataqhanalardyń qurylysyn júrgizý jáne olardy paıdalanýǵa berý máselesin bilim saıasatynan bólek qarastyrýǵa bolmaıdy. Kerisinshe, ony joǵary bilimniń qoljetimdiligin qamtamasyz etýdiń bir bóligi retinde qarastyrý qajet,-delingen QR Ǵylym jáne joǵary bilim mınıstrliginiń baspasóz qyzmeti taratqan aqparatta.

Bul kórsetkishter jeke nysandardy salý boıynsha bir rettik naýqandy emes, jeti jyldyq kezeńdi qamtıdy jáne stýdenttik turǵyn úı qorynyń júıeli túrde óskenin kórsetedi.

Joǵary bilim berý júıesinde jataqhanalardy damytý birneshe baǵytqa áser etedi. Atap aıtqanda, óńirlerden kelgen jastardyń bilim alý múmkindikteri artady, otbasylardyń qarjylyq júktemesi azaıady, al ýnıversıtetter tolyqqandy stýdenttik orta men kampýs ınfraqurylymyn qalyptastyrýǵa múmkindik alady.

Sonymen qatar qol jetkizilgen nátıje máseleniń tolyq sheshilgenin bildirmeıdi. Jataqhanalardaǵy oryn tapshylyǵy áli de 5,2 myń oryndy quraıdy. Sondyqtan aldaǵy jumys orynǵa qajettilik joǵary bolyp otyrǵan qalalar men ýnıversıtetterdegi problemalardy naqty sheshýge baǵyttalýy tıis.

Osyǵan deıin stýdentterdiń jataqhana máselesi qalaı sheshilip jatqany týraly jazdyq.