Elimizde «Sportshylar keńesi» quryldy
ASTANA. KAZINFORM – Keńes quramyna Olımpıada chempıondary men júldegerleri, álem chempıonattarynyń jeńimpazdary men júldegerleri, qazirgi sportshylar, sondaı-aq el sportynyń damýyna eleýli úles qosqan ardagerler endi.
Olardyń mol tájirıbesi men kásibı bilimi sport salasyndaǵy ózekti máselelerdi sheshýge jáne dene shynyqtyrý men sport salasyndaǵy memlekettik saıasatty jetildirýge jumyldyrylady.
«Sportshylar keńesi» otandyq sportty damytýǵa qatysty ózekti máseleler boıynsha sportshylar, memlekettik organdar, sport federatsııalary jáne sarapshylar qaýymdastyǵy arasyndaǵy ózara is-qımyldy qamtamasyz etetin tıimdi dıalog alańyna aınalady.
Týrızm jáne sport mınıstrligi málimetinshe, keńestiń qyzmeti sportshylardyń múddesin qorǵaýǵa, salany damytýǵa qatysty usynystar ázirleýge jáne memlekettik bastamalardy iske asyrýǵa baǵyttalady.
«Sportshylar keńesiniń» qurylýy sportshylardyń salany damytýǵa qatysty sheshimder qabyldaý úderisindegi rólin kúsheıtýge múmkindik beredi. Sonymen qatar bul bastama sport qaýymdastyǵy, memlekettik organdar jáne qoǵam arasyndaǵy tıimdi dıalogty nyǵaıtýǵa yqpal etedi.
Aıta keteıik, Halyqaralyq Olımpıadalyq komıtetiniń (HOK) Atqarýshy komıteti Frantsııa Alpilerinde ótetin 2030 jylǵy qysqy Olımpıada oıyndarynyń sport túrleri men jarys baǵdarlamasyn bekitti.
