Elimizde sot saraptamasynyń jańa túri paıda bolmaq

ASTANA. KAZINFORM – Ádilet mınıstrligi saraptama mamandyqtarynyń tizbesin bekitý týraly buıryǵyna ózgertý engizbekshi. Qujat jobasy 21 mamyrǵa deıin ashyq talqylaýda bolady.

Negizdemede sot saraptamasynyń jańa túri zııatkerlik menshik nysandaryna sot saraptamasyna taǵaıyndaý kóbeıip ketkendikten tizbege engiziletini aıtylǵan.

«Buǵan deıin atalmysh saraptamalyq zertteý azyq-túlik emes taýarlardyń taýarlyq saraptamasy aıasynda júrgizilip keldi. Degenmen zertteý nysany taýarlarǵa emes, olardy sáıkestendirý quraldarynyń belgilerin adamnyń qabyldaýyna baılanysty mán-jaılar bolyp otyr jáne arnaıy taýarlarǵa qatysty joq taýarlyq zertteýler salasyndaǵy ǵylymı bilim bolyp esepteledi», - delingen negizdemede.

Sonymen, Ádilet mınıstrligi beretin saraptama mamandyqtarynyń tizbesine mynandaı saraptama túrleri engizilmek:

- Zııatkerlik menshik obektileriniń sot saraptamasy;

- Daralandyrý quraldaryn uqsastyq turǵysynan sot-saraptamalyq zertteý.