Elimizde sońǵy on jylda 2475 aǵza transplantattaý jasaldy
Bıyl Qazaqstanda alǵash ret eýropalyq aǵzalar donory kúnine oraılastyrylǵan Donor kúni atalyp ótedi, dep habarlaıdy QR DSM baspasóz qyzmeti.
Eýropalyq aǵzalar donorlyǵy jáne transplantattaý kúni 1996 jyldan bastap qoǵamnyń medıtsınanyń osy mańyzdy salasyna degen senimin nyǵaıtý maqsatynda ótkizilip keledi.
Jyl saıyn bul kún ártúrli elderde aǵzalar donorlyǵynyń shuǵyl qajettiligi týraly qoǵamdyq habardarlyqty arttyrý jáne erikti jáne rııasyz donorlyq qaǵıdattaryn nasıhattaý úshin uıymdastyrylady.
Qazaqstan donorlyq aǵzalardyń jetispeýshiligi problemasyna nazar aýdarý jáne elimizde donorlyqty damytý men aǵzalardy transplantattaýdyń mańyzdylyǵy týraly halyqtyń habardarlyǵyn arttyrý maqsatynda Eýropalyq aǵzalar donory kúnine qosylady.
Máselen, 2023 jylǵy 10 qyrkúıektegi jaǵdaı boıynsha QR DSM Transplanttaýdy jáne joǵary tehnologııalyq medıtsınalyq qyzmetterdi úılestirý respýblıkalyq ortalyǵynyń kútý paraǵynda búırekke, baýyrǵa, ókpege, júrekke jáne «júrek-ókpe» keshenine muqtaj 3953 patsıent bar.
2022 jyly 16 adamnyń ómirin saqtap qalǵan 4 qaıtys bolǵannan keıingi donor ǵana boldy, 2023 jyly donorlar sany 12 patsıenttiń ómirin saqtap qalǵan 5 adamǵa deıin ósti.
Jalpy, 2012 jyldan bastap 2023 jylǵy tamyzǵa deıin barlyǵy 2475 transplantattaý jasaldy - tiri donorlardan – patsıentterdiń 83,4% jáne qaıtys bolǵannan keıingi donorlardan – 16,6%. Onyń ishinde 1833 búırek transplantatsııasy, 472 baýyr, 90 júrek transplantatsııasy, 19 ókpe, 2 uıqy bezi, 59 qabyqsha jasaldy.
Eń kóp operatsııa búırekti transplantattaý boıynsha jasaldy. Qazaqstanda aǵzalardy transplantattaý boıynsha alǵashqy operatsııa 1979 jyly 17 sáýirde Syzǵanov atyndaǵy UHO júrgizildi, bul donorlyq búırekti transplantattaý boldy.
Qazaqstanda transplantattaý boıynsha alǵashqy operatsııa 2012 jylǵy 8 tamyzda «UǴHO» KeAQ-da júrgizildi, sol kezde donorlyq júrek sozylmaly júrek jetkiliksizdigi bar patsıentke qondyryldy.
«Respýblıkalyq transplanttaýdy úılestirý jáne joǵary tehnologııalyq medıtsınalyq qyzmetter kórsetý ortalyǵy» ShJQ RMK aǵzalardyń donory kúni sheńberinde Ulttyq ǵylymı onkologııalyq ortalyqpen birlesip 2023 jylǵy 7 qazanda Astana, Kereı Jánibek handar kóshesi, 3 mekenjaıy boıynsha Ashyq esik kúnin ótkizedi.
Transplantattaý dárigerleri 18 jastan asqan patsıentterge transplantattaý boıynsha tegin konsýltatsııa beredi. Respýblıkalyq transplantattaý úılestirýshisi qaıtys bolǵannan keıin aǵzalardyń donorlyǵy týraly erik bildirýdi bekitý, Kútý paraǵyna qoıý jáne júrgizý, sondaı-aq aǵzalardyń týystyq donorlyǵy máseleleri boıynsha konsýltatsııalar ótkizetin bolady.
Aǵzalar donory kúni Qazaqstan halqyn ıgi is jasaý múmkindigi týraly oılanýǵa jáne ómirdi saqtap qalý jónindegi mańyzdy qozǵalystyń bir bóligi bolýǵa shaqyrady.
