Elimizde shý shyǵaratyn kólikterdi anyqtaıtyn kameralar paıda bolýy múmkin
ASTANA. KAZINFORM – Elimizde shý shyǵaratyn kólikterdi anyqtaıtyn kameralar paıda bolýy múmkin. Bul týraly Quryltaı depýtattarynyń saýalyna Іshki ister mınıstri Erjan Sádenovtiń jaýabynda aıtylǵan.
Mınıstrlik tsıfrlyq sheshimderdi qoldaný máselesi boıynsha shýdyń shekti deńgeıden asyp ketýin avtomatty túrde anyqtaý úshin foto- jáne beınetirkeý júıesine ınnovatsııalyq akýstıkalyq kameralar men shý deńgeıin ólsheıtin quraldardy biriktirý boıynsha pılottyq jobany iske qosýdy qoldaıdy. Qazirgi ýaqytta AQSh, Germanııa jáne Frantsııanyń ozyq sheteldik tájirıbesi zerdelenip jatyr, - dedi mınıstr.
Erjan Sádenovtiń deregine sáıkes, jyl basynan beri túngi ýaqytta tynyshtyqty buzýdyń 22,2 myń, tikeleı aǵyndy jáne qatty shý shyǵaratyn júıeleri bar zańsyz qaıta jabdyqtalǵan kólikterdi basqarýdyń 24 myń faktisi anyqtalǵan. Budan bólek, manevr jasaý qaǵıdalaryn buzýdyń 57,9 myń, qarsy baǵyttaǵy qozǵalys jolaǵyna shyǵýdyń 4,6 myń jáne apatty jaǵdaı týǵyzýdyń 11,8 myń faktisiniń joly kesilgen. Sondaı-aq 404 drıft faktisi tirkelip, 61 júrgizýshi ákimshilik qamaýǵa alynǵan, 343 júrgizýshige aıyppul salynǵan.
Al 23 qyrkúıekten bastap respýblıka aýmaǵynda «Túngi qala» jedel-profılaktıkalyq is-sharasy ótkizilip jatyr. 12 qazandaǵy jaǵdaı boıynsha onyń aıasynda 47,1 myń quqyq buzýshylyqtyń joly kesilgen. Atap aıtqanda, túngi tynyshtyqty buzýdyń 2,8 myń, zańsyz qaıta jabdyqtalǵan kólikterdi basqarýdyń 2,6 myń, manevr jasaý qaǵıdalaryn buzýdyń 7,9 myń, qarsy baǵyttaǵy qozǵalys jolaǵyna shyǵýdyń 590 jáne apatty jaǵdaı týǵyzýdyń 2 myń faktisi anyqtalǵan. Sonymen qatar 30 drıft faktisi tirkelip, alty júrgizýshi ákimshilik qamaýǵa alynǵan, 24 júrgizýshige aıyppul arqalaǵan.
Mınıstr múddeli memlekettik organdarmen birlesip, ákimshilik zańnamany jetildirý boıynsha josparly jumystar júrgizilip jatqanyn aıtady.
- Ákimshilik quqyq buzýshylyq týraly kodeks normalaryn jańartý aıasynda túngi tynyshtyqty buzǵany úshin jaýapkershiliktiń mólsherles bolýyn qamtamasyz etý tetikteri, tehnıkalyq ózgeristeri bar avtokólikterdi joıylǵanǵa deıin arnaıy turaqtarda ustaý tártibi, sondaı-aq joldardaǵy quqyq buzýshylyqtardy saralaý tásilderi egjeı-tegjeıli pysyqtalyp jatyr, - dedi Erjan Sádenov.
Buǵan deıin depýtat Kendebaı Adambek Іshki ister mınıstrine saýal joldap, kólik shýyn avtomatty anyqtaıtyn júıe engizýdi usyndy.
